നിതിന് രാജിന്റെ മരണം; ഡോ. എം.കെ. റാമിന് ജാമ്യമില്ല
ഷീബ വിജയൻ
കൊച്ചി: കണ്ണൂര് അഞ്ചരക്കണ്ടി സ്വാശ്രയ ഡെന്റല് കോളജ് ഒന്നാംവര്ഷ ബിഡിഎസ് വിദ്യാര്ഥി ആര്.എല്. നിതിന് രാജിന്റെ മരണത്തില് ആത്മഹത്യാ പ്രേരണക്കുറ്റം നേരിടുന്ന അധ്യാപകന് ഡോ. എം.കെ. റാമിന് മുന്കൂര് ജാമ്യമില്ല. ഹൈക്കോടതിയാണ് റാമിന്റെ മുന്കൂര് ജാമ്യാപേക്ഷ തള്ളിയത്. നേരത്തെ തലശേരി അഡീഷണല് സെഷന്സ് കോടതിയും റാമിന്റെ ജാമ്യാപേക്ഷ തള്ളിയിരുന്നു. ഏപ്രില് 10-നാണ് നിതിന് രാജ് കോളജ് കെട്ടിടത്തില് നിന്നും ചാടി ജീവനൊടുക്കിയതായി കുടുംബം അറിയുന്നത്. വകുപ്പ് മേധാവി റാം മാനസികമായി പീഡിപ്പിക്കുന്നുണ്ടെന്ന് നിതിന് നേരത്തെ തന്നെ കുടുംബത്തെ അറിയിച്ചിരുന്നു. അധ്യാപകരായ ഡോ. എം.കെ. റാം, സംഗീത നമ്പ്യാര് എന്നിവരാണ് കേസിലെ പ്രതികള്. നിതിന് രാജിന്റെ മരണത്തില് അധ്യാപകനെതിരെ ഗുരുതര ആരോപണങ്ങളുമായി വിദ്യാര്ഥികള് രംഗത്തെത്തിയിരുന്നു.
ADSDASSXADSADS
