കോൺഗ്രസ് ആദ്യഘട്ട സ്ഥാനാർത്ഥി പട്ടിക പുറത്തിറക്കി; 55 മണ്ഡലങ്ങളിൽ പോരാട്ടമുറപ്പിച്ചു
ഷീബ വിജയൻ I കേരളം
ന്യൂഡൽഹി: ഏറെ നാളത്തെ കാത്തിരിപ്പിന് വിരാമമിട്ട് നിയമസഭാ തിരഞ്ഞെടുപ്പിനുള്ള ആദ്യഘട്ട സ്ഥാനാർത്ഥി പട്ടിക കോൺഗ്രസ് പ്രഖ്യാപിച്ചു. എഐസിസി ജനറൽ സെക്രട്ടറി കെ.സി. വേണുഗോപാൽ പുറത്തിറക്കിയ പട്ടികയിൽ 55 പേരാണ് ഇടംപിടിച്ചത്. പ്രമുഖ നേതാക്കളെല്ലാം തങ്ങളുടെ സിറ്റിംഗ് സീറ്റുകളിൽ തന്നെ ജനവിധി തേടുന്നു എന്നതാണ് ആദ്യ പട്ടികയുടെ സവിശേഷത.
പ്രധാന സ്ഥാനാർത്ഥികൾ:
പ്രതിപക്ഷ നേതാവ് വി.ഡി. സതീശൻ (പറവൂർ), രമേശ് ചെന്നിത്തല (ഹരിപ്പാട്), കെ. മുരളീധരൻ (വട്ടിയൂർക്കാവ്), ചാണ്ടി ഉമ്മൻ (പുതുപ്പള്ളി) എന്നിവർ പട്ടികയിലുണ്ട്. പാലക്കാട് മണ്ഡലത്തിൽ രമേശ് പിഷാരടിയെയും മണലൂരിൽ ടി.എൻ. പ്രതാപനെയും കോൺഗ്രസ് കളത്തിലിറക്കി. വി.ടി. ബൽറാം (തൃത്താല), രമ്യ ഹരിദാസ് (ചിറയിൻകീഴ്), തിരുവഞ്ചൂർ രാധാകൃഷ്ണൻ (കോട്ടയം), മാത്യു കുഴൽനാടൻ (മൂവാറ്റുപുഴ) എന്നിവരും ആദ്യ പട്ടികയിൽ ഇടംപിടിച്ചു.
മറ്റ് പ്രമുഖർ:
ടി. സിദ്ദിഖ് (കൽപ്പറ്റ), ബിന്ദു കൃഷ്ണ (കൊല്ലം), പി.സി. വിഷ്ണുനാഥ് (കുണ്ടറ), ഉമ തോമസ് (തൃക്കാക്കര), അൻവർ സാദത്ത് (ആലുവ), ആര്യാടൻ ഷൗക്കത്ത് (നിലമ്പൂർ), വി.എസ്. ജോയ് (തവനൂർ), എം. വിൻസന്റ് (കോവളം) തുടങ്ങിയവരാണ് പട്ടികയിലുള്ള മറ്റ് പ്രമുഖർ. യുവാക്കൾക്കും പരിചയസമ്പന്നർക്കും ഒരുപോലെ മുൻഗണന നൽകിക്കൊണ്ടുള്ള പട്ടികയാണ് ഹൈക്കമാൻഡ് അംഗീകരിച്ചിരിക്കുന്നത്. രണ്ടാം ഘട്ട പട്ടിക ഉടൻ പുറത്തിറക്കുമെന്നും പാർട്ടി വൃത്തങ്ങൾ അറിയിച്ചു.
aa
