മെഡലുകൾ വെക്കാൻ വീടില്ലെന്ന ദുഃഖം കുഞ്ഞുങ്ങൾക്ക് ഇനി ഉണ്ടാകില്ല; അമ്പത് വീട് വെച്ചു നൽകുമെന്ന് മന്ത്രി ശിവൻകുട്ടി
ശാരിക
തിരുവനന്തപുരം l സ്കൂൾ ഒളിമ്പികിസിൽ നേടിയ മെഡലുകൾ വെക്കാൻ വീടില്ലെന്ന ദുഃഖം കുഞ്ഞുങ്ങൾക്ക് ഇനി ഉണ്ടാകില്ല സ്വർണം നേടിയ അർഹരായവർക്ക് വീട് വെച്ച് നൽകുന്ന പദ്ധതി പൊതുവിദ്യാഭ്യാസ വകുപ്പ് പുതുതായി ആരംഭിക്കുമെന്ന് മന്ത്രി വി ശിവൻകുട്ടി. സംസ്ഥാന സ്കൂൾ ഒളിമ്പിക്‌സിൽ പങ്കെടുത്ത ചില കായിക താരങ്ങളുടെ വീടിന്റെ അവസ്ഥ നേരിട്ട് തിരിച്ചറിഞ്ഞതിന് പിന്നാലെയാണ് തീരുമാനം. നിലവിൽ അമ്പത് വീട് വെച്ചു നൽകുക എന്നതാണ് ലക്ഷ്യമെന്ന് മന്ത്രി വാർത്താസമ്മേളനത്തിൽ പറഞ്ഞു.
സ്വർണം നേടിയവരും മീറ്റ് റെക്കോർഡ് നേടിയവരും വീടില്ലാത്തവരായുണ്ട് ഇടുക്കി സ്വദേശിനിയായ ദേവപ്രിയയ്ക്ക് സിപിഐ എം ഇടുക്കി ജില്ലാ കമ്മിറ്റി വീട് വെച്ച് കൊടുക്കാമെന്ന് അറിയിച്ചിട്ടുണ്ട്. പൊതുവിദ്യാഭ്യാസ വകുപ്പിന് കീഴിലുള്ള കേരള സ്കൗട്ട്സ് ആൻഡ് ഗൈഡ്‌സ് കോഴിക്കോട് സ്വദേശിനിയായ ദേവനന്ദയ്ക്ക് വീട് നിർമിച്ചു നൽകും. ഇത്തരത്തിൽ നിരവധി പേരുണ്ട് അതുകൊണ്ടാണ് പുതിയ പദ്ധതിയിലേക്ക് കടക്കുന്നത്.
പദ്ധതിയുടെ ഭാഗമായി വിവിധ സംഘടനകളുമായി ബന്ധപ്പെട്ടപ്പോൾ വളരെ പോസിറ്റീവായ പ്രതികരണമാണ് ലഭിച്ചത്. കുഞ്ഞുങ്ങൾക്ക് വീട് വെച്ചു നൽകാൻ താൽപര്യമുള്ളവർ വിദ്യാഭ്യാസ വകുപ്പിനെ സമീപിച്ചാൽ പാവപ്പെട്ട കുട്ടികൾക്ക് അത് വലിയ കൈത്താങ്ങാകുമെന്നും മന്ത്രി കുട്ടിചേർത്തു.
sdsdf
