കാലിഫോർണിയയിൽ കാട്ടുതീ പടരുന്നു; 6000ലധികം ആളുകളെ മാറ്റി പാർപ്പിച്ചു
അമേരിക്കയിലെ കാലിഫോർണിയയിൽ കാട്ടുതീ പടരുന്നു. 6000ൽ പരം ആളുകളെ മാറ്റിപാർപ്പിച്ചു. യോസ്മൈറ്റ് ദേശീയ പാർക്കിൽ വെള്ളിയാഴ്ചയുണ്ടായ കാട്ടുതീ നിയന്ത്രിക്കാൻ 2000ൽ പരം ഫയർ യൂനിറ്റുകളാണ് ഉപയോഗിച്ചത്.
ഞായറാഴ്ച വീണ്ടും കാട്ടുതീ പടരുകയായിരുന്നു. ഇതിൽ 14,200 ഏക്കറാണ് കത്തി നശിച്ചത്. ജനവാസ പ്രദേശത്തേക്ക് പടർന്നതിനെ തുടർന്ന് വസ്തുവകകൾക്ക് സാരമായ നാശനഷ്ടങ്ങൾ സംഭവിച്ചിട്ടുണ്ട്.
കാട്ടുതീ 1000ത്തോളം പേരുടെ ജീവന് ഭീഷണിയാവുകയും ചെയ്തിട്ടുണ്ട്.
കാലിഫോർണിയയിലെ മരിപ്പോസ കൗണ്ടിയിൽ ഗവർണർ ഗവിൻ ന്യൂസം അടിയന്തരാവസ്ഥ പ്രഖ്യാപിച്ചു. വർഷങ്ങളായി തുടരുന്ന വരൾച്ചയും കാലാവസ്ഥ വ്യതിയാനവുമാണ് പാശ്ചാത്യ രാജ്യങ്ങളിൽ അതിഭീകരമായ കാട്ടുതീക്ക് കാരണമാകുന്നത്.
