ഇന്തോനേഷ്യയിലെ സുമാത്രയിൽ ശക്തമായ ഭൂചലനം; റിക്ടർ സ്കെയിലിൽ 6.1 തീവ്രത രേഖപ്പെടുത്തി
ഷീബ വിജയൻ
ജക്കാർത്ത: ഇന്തോനേഷ്യയിലെ സുമാത്ര ദ്വീപിന് സമീപം ചൊവ്വാഴ്ച ശക്തമായ ഭൂചലനം അനുഭവപ്പെട്ടു. റിക്ടർ സ്കെയിലിൽ 6.1 തീവ്രത രേഖപ്പെടുത്തിയ ഭൂചലനമാണ് ഉണ്ടായതെന്ന് യുണൈറ്റഡ് സ്റ്റേറ്റ്സ് ജിയോളജിക്കൽ സർവേ (USGS) അറിയിച്ചു. പസഫിക് 'റിങ് ഓഫ് ഫയർ' മേഖലയിൽ ഉൾപ്പെടുന്ന, ഭൗമപാളികൾ തമ്മിൽ കൂട്ടിമുട്ടുന്ന സജീവമായ സമുദ്രമേഖലയിലാണ് ഭൂകമ്പത്തിന്റെ പ്രഭവകേന്ദ്രം.
ഭൂചലനത്തെത്തുടർന്ന് നാശനഷ്ടങ്ങളോ ആളപായമോ ഉണ്ടായതായി ഇതുവരെ റിപ്പോർട്ടുകൾ ലഭിച്ചിട്ടില്ല. സുനാമി മുന്നറിയിപ്പും നിലവിൽ പുറപ്പെടുവിച്ചിട്ടില്ല. എങ്കിലും തീരദേശ മേഖലകളിൽ ജാഗ്രത തുടരുകയാണ്. നിരന്തരം ഭൂകമ്പങ്ങൾ ഉണ്ടാകാറുള്ള ഈ മേഖലയിൽ അധികൃതർ സ്ഥിതിഗതികൾ നിരീക്ഷിച്ചു വരികയാണ്.
dewsdeeds
