ഗര്ഭിണികളിലെ വിറ്റാമിന് ഡിയുടെ കുറവ് പരിഹരിക്കാം
ഗര്ഭിണികളിലെ വിറ്റാമിന് ഡിയുടെ അപര്യാപ്തത കുട്ടികളുടെ ബുദ്ധിശക്തിയെ ബാധിക്കുമെന്ന് സിയാറ്റിലെ ചൈല്ഡ് റിസര്ച്ച് ഇന്സ്റ്റിറ്റ്യൂട്ടിലെ ഗവേഷകരുടെ പഠന റിപ്പോർട്ട്. എല്ലുകളുടെയും പല്ലുകളുടെയും വളര്ച്ചയ്ക്ക് അത്യാവശ്യമായ കാത്സ്യത്തെ നമ്മുടെ ശരീരത്തിലേയ്ക്ക് ആഗിരണം ചെയ്യാന് സഹായിക്കുന്നതാണ് വിറ്റാമിന് ഡി. സൂര്യപ്രകാശത്തില് നിന്നും വിറ്റാമിന് ഡി ലഭിക്കും. വിറ്റാമിന് ഡി അടങ്ങിയ ചില ഭക്ഷണങ്ങളെ പരിചയപ്പെടാം.
പ്രോട്ടീന് സമ്പുഷ്ടമായ ഭക്ഷണമാണ് മുട്ട. മുട്ടയില് നിന്നും മറ്റ് വിറ്റാമിനുകളോടൊപ്പം വിറ്റാമിന് ഡിയും ലഭിക്കും. ദിവസവും രാവിലെ ഒരു മുട്ട കഴിക്കുന്നത് ആരോഗ്യത്തിന് ഏറേ നല്ലതാണ്.പാല്, തൈര്, ബട്ടര്, ചീസ് തുടങ്ങിയ പാല് ഉല്പന്നങ്ങളില് നിന്ന് ശരീരത്തിന് ആവശ്യമായ വിറ്റാമിന് ഡി ലഭിക്കും. അതിനാല് ഇത്തരം ഭക്ഷണങ്ങള് ഡയറ്റില് ഉള്പ്പെടുത്താന് ശ്രമിക്കണം.വിറ്റാമിൻ ഡിയുടെ നല്ല ഉറവിടമായി കണക്കാക്കപ്പെടുന്ന ഭക്ഷണമാണ് കൂണ്. കൊഴുപ്പ് കുറഞ്ഞതും എന്നാല് പോഷകങ്ങള് ധാരാളമുള്ളതുമാണ് ഇവ. കൂണ് ആഴ്ചയില് രണ്ട് ദിവസം വരെയൊക്കെ ഡയറ്റില് ഉള്പ്പെടുത്താം. ധാന്യങ്ങളും പയറ് വർഗ്ഗങ്ങളും ഡയറ്റിൽ ഉൾപ്പെടുത്താം.
