26 ദിവസത്തില് റിലയന്സ് ജിയോ ഉപയോക്താക്കള് 16 ദശലക്ഷം
മുംബൈ: വളര്ച്ചയില് ഫേസ്ബുക്കിനെയും വാട്ട്സ് ആപ്പിനെയും വരെ മറികടന്നതായി റിലയന്സ് ജിയോ. സെപ്റ്റംബര് മാസം മാത്രം 16 ദശലക്ഷം ഉപയോക്താക്കളെ ജിയോ സൃഷ്ടിച്ചതായി കമ്പനി അവകാശപ്പെടുന്നു.
സെപ്റ്റംബര് അഞ്ചിനാണ് ജിയോ പുറത്തിറക്കിയത്. 26 ദിവസത്തിനുള്ളില് കമ്പനിയുടെ വളര്ച്ചയാണ് 16 ദശലക്ഷം ഉപയോക്താക്കള്. ലോകത്തിലെ ഒരു സ്റ്റാര്ട്ടപ്പിനും ടെലികോം കമ്പനിക്കും അവകാശപ്പെടാനാകാത്തതാണ് ഈ വളര്ച്ചാ നിരക്കെന്ന് റിലയന്സ് ഇന്ഡസ്ട്രീസ് ലിമിറ്റഡ് ചെയര്മാന് മുകേഷ് അംബാനി പറഞ്ഞു.
ആധാര് അധിഷ്ഠിതമായ പേപ്പര് രഹിത സിം കാര്ഡ് ആക്ടിവേഷന് ആണ് ജിയോ ഇന്ത്യയില് നടപ്പിലാക്കിയത്. 3100 പട്ടണങ്ങളില് ഈ സേവനം ലഭ്യമാക്കിയെന്ന് അംബാനി അറിയിച്ചു. അടുത്ത ആഴ്ച്ചകളില് ഈ സേവനത്തിന്റെ വ്യാപ്തി വര്ധിപ്പിക്കുമെന്നും അദ്ദേഹം പ്രസ്താവനയില് അറിയിച്ചു.
