തണൽ പൊതുയോഗം സംഘടിപ്പിച്ചു
കഴിഞ്ഞ 14 വർഷങ്ങളായി ജീവകാരുണ്യ പ്രവർത്തന രംഗത്ത് നടത്തുന്ന പ്രവർത്തനങ്ങൾ സമാനതകളില്ലാതെ മുന്നേറുകയാണെന്ന് തണൽ ചെയർമാൻ ഡോ. ഇദ്‌രീസ്. മനാമ കെ സിറ്റി ഹാളിൽ വെച്ച് തണൽ - ബഹ്‌റൈൻ ചാപ്റ്റർ സംഘടിപ്പിച്ച പൊതുയോഗത്തിൽ സംസാരിക്കുകയായിരുന്നു അദ്ദേഹം. ചാപ്റ്റർ പ്രസിഡണ്ട് റഷീദ് മാഹി അധ്യക്ഷത വഹിച്ച ചടങ്ങിൽ ജനറൽ സെക്രട്ടറി വിനീഷ് എം.പി. സ്വാഗതം പറഞ്ഞു.ട്രഷറർ നജീബ് കടലായി, ചീഫ് കോഡിനേറ്റർ മുജീബ് മാഹി, റഫീഖ് അബ്ദുല്ല, ഷെബീർ മാഹി, രക്ഷാധികാരികളായ അബ്ദുൽ മജീദ് തെരുവത്ത്, ആർ. പവിത്രൻ, മറ്റ് ഭാരവാഹികളായ ജമാൽ കുറ്റിക്കാട്ടിൽ, ഇബ്രാഹിം ഹസ്സൻ പുറക്കാട്ടിരി, ഫൈസൽ പാട്ടാണ്ടി, ജെ.പി.കെ. തിക്കോടി എന്നിവർ പരിപാടികൾക്ക് നേതൃത്വം നൽകി. ഫുഡ് ചാലഞ്ച് പരിപാടിക്ക് ബഹ്‌റൈൻ പ്രവാസികൾ നൽകിയ സഹായം ജനറൽ കൺവീനർ വി.പി. ഷംസുദീന്റെ നേതൃത്വത്തിൽ ഡോക്ടർക്ക് കൈമാറി. ലത്തീഫ് കൊയിലാണ്ടി നന്ദി പ്രകാശിപ്പിച്ചു.
