ബഹ്റൈനില്‍ കോവിഡ് മരണങ്ങൾ 1161 ആയി
മനാമ : ബഹ്റൈനിൽ ഇന്നലെ 551 വിദേശികൾ ഉൾപ്പടെ 1279 പേർക്കാണ് പുതുതായി രോഗം സ്ഥിരീകരിച്ചത്. ഇന്നലെ 12535 പേരിലാണ് കോവിഡ് പരിശോധന നടത്തിയത്. 10.20 ശതമാനമാണ് ടെസ്റ്റ് പോസിറ്റിവിറ്റി നിരക്ക്. ഇന്നലെ 2367 പേർക്ക് കൂടി രോഗമുക്തി ലഭിച്ചതോടെ ആകെ രോഗമുക്തി നേടിയവരുടെ എണ്ണം 2,33,480 ആയി ഉയർന്നു. അതേസമയം 18 പേർക്ക് കൂടി ഇന്നലെ ജീവൻ നഷ്‌പ്പെടതോടെ ആകെ കോവിഡ് മരണങ്ങൾ 1161 ആയി. നിലവിൽ ഗുരുതരാവസ്ഥയിൽ കഴിയുന്ന 335 പേർ ഉൾപ്പടെ 19238 പേരാണ് ചികിത്സയിലുള്ളത്. ഇന്നലെ വരെ 10,10,162 പേരാണ് രാജ്യത്ത് വാക്സിനേഷൻ സ്വീകരിച്ചത്. ഇതിൽ 8,39,685 പേർ രണ്ട് ഡോസ് സ്വീകരിച്ചവരാണ്.
