ബഹ്റൈന്റെ സൈനിക സജ്ജത വിലയിരുത്തി ബി.ഡി.എഫ് കമാൻഡർ ഇൻ ചീഫ്
പ്രദീപ് പുറവങ്കര
മനാമ: ബഹ്റൈൻ ഡിഫൻസ് ഫോഴ്സ് (ബി.ഡി.എഫ്) കമാൻഡർ ഇൻ ചീഫ് ഫീൽഡ് മാർഷൽ ശൈഖ് ഖലീഫ ബിൻ അഹമ്മദ് അൽ ഖലീഫ ബി.ഡി.എഫ് സൈനിക യൂണിറ്റിൽ സന്ദർശനം നടത്തി. വിവിധ സൈനിക വിഭാഗങ്ങളിലും യൂണിറ്റുകളിലും നടന്നുവരുന്ന പതിവ് പരിശോധനകളുടെ ഭാഗമായി സെപ്റ്റംബർ 15-നായിരുന്നു അദ്ദേഹത്തിന്റെ സന്ദർശനം.
സേനയുടെ പോരാട്ട വീര്യവും സൈനികവും ഭരണപരവുമായ സജ്ജീകരണങ്ങളും അദ്ദേഹം നേരിട്ട് വിലയിരുത്തി. ബി.ഡി.എഫ് അംഗങ്ങളുടെ ഉന്നത പ്രൊഫഷണലിസത്തെയും സേവന സന്നദ്ധതയെയും അദ്ദേഹം പ്രശംസിച്ചു. രാജ്യസുരക്ഷയ്ക്കായി ഉയർന്ന ജാഗ്രതയും സജ്ജതയും എപ്പോഴും നിലനിർത്തേണ്ടതിന്റെ പ്രാധാന്യം കമാൻഡർ ഇൻ ചീഫ് ഊന്നിപ്പറഞ്ഞു.
sfdsf
