അവധിക്കാലം ലക്ഷ്യമാക്കി പ്രോപ്പർട്ടി വിൽപ്പനക്കാർ ബഹ്റൈനിൽ എത്തിത്തുടങ്ങി
മനാമ: പ്രവാസലോകത്തെ അവധിക്കാലം ലക്ഷ്യമാക്കി ഇന്ത്യയിൽ നിന്നുള്ള പ്രോപ്പർട്ടി വിൽപ്പനക്കാർ ബഹ്റൈനിൽ എത്തിത്തുടങ്ങി. ഇന്ത്യയ്ക്കകത്ത്, പ്രത്യേകിച്ച് കേരളത്തിലെ നിരവധി കന്പനികളാണ് ബഹ്റൈനിൽ ഹോട്ടൽ മുറികളിൽ തങ്ങി ഫ്‌ളാറ്റുകൾ, വില്ലകൾ തുടങ്ങിയവ കച്ചവടം നടത്തുന്നത്. ബഹ്റൈൻ ടൂറിസം മന്ത്രാലയത്തിന്റെതടക്കമുള്ള അനുവാദത്തോടെ പ്രോപ്പർട്ടി ഷോകൾ െവച്ച് നടത്തേണ്ടുന്ന ഫ്‌ളാറ്റ് വിൽപ്പന രഹസ്യമായി ഹോട്ടൽ മുറികളിൽ വെച്ച് നടത്തുന്നത് ഇത്തരം കന്പനികളുടെ വിശ്വാസ്യതയെ സംശയിക്കപ്പെടേണ്ടതാണ്.
നിരവധി പ്രോപ്പർട്ടി കന്പനികൾ പ്രവാസികളുടെ പണം വാങ്ങി കബളിപ്പിച്ച സംഭവങ്ങൾ ഇതിന് മുൻപ് ഉണ്ടായിട്ടുണ്ടെന്ന് മാത്രമല്ല പണം നഷ്ടപ്പെട്ട പലരും ഇത്തരം കന്പനികൾക്കെതിരായ കേസുകളുടെ പിറകെയുമാണ്. പ്രവാസികളുടെ ചുരുങ്ങിയ ദിവസങ്ങളിലെ അവധി ലക്ഷ്യം െവച്ചുകൊണ്ട് വൻപ്രതീക്ഷകൾ നൽകികൊണ്ട് അഡ-്വാൻസ് തുക കൈപ്പറ്റുന്ന പല കന്പനികളും പറഞ്ഞ സമയത്തിനുള്ളിൽ ഫ്‌ളാറ്റുകൾ കൈമാറുകയോ വാഗ്ദാനം ചെയ്ത സൗകര്യങ്ങൾ ഒരുക്കുകയോ ചെയ്യുന്നില്ല. ഫ്‌ളാറ്റ് വാങ്ങി വർഷങ്ങളായിട്ടും പണം മുഴുവൻ കൊടുത്ത് തീർത്ത പല പ്രവാസികൾക്കും ഇതുവരെ ഉടമസ്ഥാവകാശം പോലും കൈമാറത്ത കന്പനികൾ കൊച്ചിയിൽ അടക്കം പ്രവർത്തിക്കുന്നു. നാട്ടിൽ ഫ്‌ളാറ്റുകളുടെ വില ഇടിഞ്ഞതിനെ തുടർന്നാണ് പ്രവാസികളെ ലക്ഷ്യമാക്കി രഹസ്യ കച്ചവടത്തിനായി ഹോട്ടൽ മുറികൾ വാടകയ്‌ക്കെടുത്ത് കൊണ്ട് കന്പനി പ്രതിനിധികളുടെ ഒഴുക്ക് ആരംഭിച്ചിട്ടുള്ളത്.
