ജിസിസി ടൂറിസം അണ്ടർസെക്രട്ടറിമാരുടെ യോഗത്തിന് അധ്യക്ഷത വഹിച്ച് ബഹ്റൈൻ; മേഖലാ സഹകരണം ശക്തമാക്കും
പ്രദീപ് പുറവങ്കര
മനാമ: 46-ാമത് ജിസിസി ഉച്ചകോടിയുടെ അധ്യക്ഷ പദവിയുടെ ഭാഗമായി, ഗൾഫ് സഹകരണ കൗൺസിൽ (ജിസിസി) രാജ്യങ്ങളിലെ ടൂറിസം മന്ത്രാലയ അണ്ടർസെക്രട്ടറിമാരുടെ യോഗത്തിന് ബഹ്റൈൻ നേതൃത്വം നൽകി. വരാനിരിക്കുന്ന 10-ാമത് ജിസിസി ടൂറിസം മന്ത്രിമാരുടെ യോഗത്തിന് മുന്നോടിയായി സംഘടിപ്പിച്ച വിർച്വൽ സമ്മേളനത്തിന് ബഹ്റൈൻ ടൂറിസം ആൻഡ് എക്സിബിഷൻസ് അതോറിറ്റി (ബിടിഇഎ) ചീഫ് എക്സിക്യൂട്ടീവ് ഓഫീസർ സാറ അഹമ്മദ് ബുഹിജി അധ്യക്ഷത വഹിച്ചു.
മേഖലയിലെ ടൂറിസം മേഖലയുടെ വികസനത്തിനായി ജിസിസി രാജ്യങ്ങൾക്കിടയിലുള്ള സംയുക്ത സഹകരണം ശക്തിപ്പെടുത്തുന്നതിനെക്കുറിച്ചും ടൂറിസം പിന്തുണാ പദ്ധതിയിലെ ഉദ്യമങ്ങൾ വിലയിരുത്തുന്നതിനെക്കുറിച്ചും യോഗം ചർച്ച ചെയ്തു. ഏകീകൃത ടൂറിസം പ്രചാരണം, പ്രൊമോഷണൽ മീഡിയ ക്യാമ്പെയ്നുകൾ, 'ജിസിസി ടൂറിസം ഡാറ്റാ ഡാഷ്ബോർഡ്' വികസനം എന്നിവ യോഗത്തിൽ പ്രധാന വിഷയങ്ങളായി.
ജിസിസി രാജ്യങ്ങൾക്കിടയിലെ ഏകീകൃത ടൂറിസ്റ്റ് ഗൈഡ് ലൈസൻസ്, ടൂറിസം കണക്കുകളുടെ കൈമാറ്റം, 'ഗൾഫ് ടൂറിസം ക്യാപിറ്റൽ' പദ്ധതി, ഹോട്ടൽ ക്ലാസിഫിക്കേഷൻ മാർഗ്ഗനിർദ്ദേശങ്ങൾ, അന്താരാഷ്ട്ര ടൂറിസം സഹകരണം എന്നിവയും യോഗം വിശദമായി അവലോകനം ചെയ്തു.
dsvdfssas
