നജ്റാനിലെ ഹൂതി ആക്രമണം: ശക്തമായി അപലപിച്ച് ബഹ്റൈൻ ശൂറാ കൗൺസിൽ ചെയർമാൻ
പ്രദീപ് പുറവങ്കര
മനാമ: സൗദി അറേബ്യയിലെ നജ്റാനിൽ സിവിലിയൻ കേന്ദ്രങ്ങൾക്കും അടിസ്ഥാന സൗകര്യങ്ങൾക്കും നേരെ ഇറാൻ പിന്തുണയുള്ള ഹൂതി മിലിഷ്യ നടത്തിയ ആക്രമണത്തെ ബഹ്റൈൻ ശൂറാ കൗൺസിൽ ചെയർമാൻ അലി ബിൻ സാലിഹ് അൽ സാലിഹ് ശക്തമായി അപലപിച്ചു. ആക്രമണത്തിൽ നിരവധി സാധാരണക്കാർക്ക് പരിക്കേറ്റിരുന്നു.
സൗദി ശൂറാ കൗൺസിൽ സ്പീക്കർ ശൈഖ് ഡോ. അബ്ദുല്ല ബിൻ മുഹമ്മദ് ബിൻ ഇബ്രാഹിം അൽ ശൈഖിന് അയച്ച സന്ദേശത്തിൽ, സൗദി അറേബ്യയുടെ പരമാധികാരവും സുരക്ഷയും സ്ഥിരതയും സംരക്ഷിക്കുന്നതിനായി രാജ്യം സ്വീകരിക്കുന്ന എല്ലാ നടപടികൾക്കും ബഹ്റൈന്റെ പൂർണ്ണ പിന്തുണയും ഐക്യദാർഢ്യവും അൽ സാലിഹ് അറിയിച്ചു.
ഹൂതികളുടെ ഈ ആക്രമണം കടുത്ത പ്രകോപനവും അന്താരാഷ്ട്ര നിയമങ്ങളുടെ ലംഘനവുമാണെന്ന് വിശേഷിപ്പിച്ച അദ്ദേഹം, ഹൂതികളെ ഉത്തരവാദികളാക്കാനും അവർക്ക് ലഭിക്കുന്ന സാമ്പത്തിക-ആയുധ സഹായങ്ങൾ തടയാനും അന്താരാഷ്ട്ര സമൂഹം അടിയന്തരമായി ഇടപെടണമെന്ന് ആവശ്യപ്പെട്ടു.
efdsdfsdfs
