ലോക പരിസ്ഥിതി ദിനം ആഘോഷിച്ചു
പ്രദീപ് പുറവങ്കര
മനാമ: ഭവൻസ് ബഹ്റൈൻ ഇന്ത്യൻ സ്കൂൾ (ബിഐഎസ്) സുസ്ഥിരതയും പരിസ്ഥിതി ബോധവൽക്കരണവും പ്രോത്സാഹിപ്പിക്കുന്ന വിവിധ പരിപാടികളോടെ ലോക പരിസ്ഥിതി ദിനം ആഘോഷിച്ചു.
മാലിന്യങ്ങളിൽ നിന്ന് ഉപയോഗപ്രദമായ വസ്തുക്കൾ നിർമ്മിക്കുന്ന "ട്രാഷ് ടു ട്രെഷർ" പ്രോജക്റ്റ്, പുനരുപയോഗം ചെയ്യാവുന്ന വസ്തുക്കൾ കൊണ്ടുള്ള കരകൗശല നിർമ്മാണം, പക്ഷികൾക്ക് തീറ്റ നൽകുന്ന പാത്രങ്ങളുടെ നിർമ്മാണം, ട്രീ കാർബൺ ഓഡിറ്റ്, പരിസ്ഥിതി സംരക്ഷണ പ്രതിജ്ഞ എന്നിവയുൾപ്പെടെയുള്ള പരിസ്ഥിതി സൗഹൃദ പ്രവർത്തനങ്ങളിൽ എല്ലാ ക്ലാസുകളിലെയും വിദ്യാർത്ഥികൾ പങ്കെടുത്തു. കിന്റർഗാർട്ടൻ വിദ്യാർത്ഥികൾ തൈകൾ നട്ടുകൊണ്ട് പരിസ്ഥിതി സംരക്ഷണത്തിന്റെയും ശുചിത്വത്തിന്റെയും സന്ദേശങ്ങൾ പ്രചരിപ്പിക്കുന്ന "എർത്ത് ഹെൽപേഴ്സ്" പരിപാടിയിൽ പങ്കാളികളായി.
വൃക്ഷത്തൈകൾ നടൽ, വെർട്ടിക്കൽ ഗാർഡനിംഗ്, പരിസ്ഥിതി പ്രദർശനങ്ങൾ, "നോ പ്ലാസ്റ്റിക് ലഞ്ച് ഡേ" എന്നിവയും ആഘോഷങ്ങളുടെ ഭാഗമായി സംഘടിപ്പിച്ചു. ബിഐഎസ് ഡയറക്ടർമാരായ ഹിമാൻഷു വർമ്മ, റിതു വർമ്മ, പ്രിൻസിപ്പൽ സജി ജേക്കബ്, വൈസ് പ്രിൻസിപ്പൽ കൃപജാ ജോർജ്ജ് എന്നിവർ വിദ്യാർത്ഥികൾക്കൊപ്പം തൈകൾ നടുകയും ഹരിതാഭമായ ഒരു ഭാവിക്കായി പ്രവർത്തിക്കാൻ അവരെ പ്രോത്സാഹിപ്പിക്കുകയും ചെയ്തു.
േ്േിി
േിേിി
