മുഖ്യമന്ത്രി പിണറായി വിജയൻ ബഹ്‌റൈനിലെത്തുന്നു: സ്വീകരണമൊരുക്കാൻ വിപുലമായ യോഗം ഒക്ടോബർ 6ന്
പ്രദീപ് പുറവങ്കര
മനാമ: കേരള മുഖ്യമന്ത്രി പിണറായി വിജയന്റെ ബഹ്‌റൈൻ സന്ദർശനത്തിന് മുന്നോടിയായി വിപുലമായ ഒരുക്കങ്ങൾ ആരംഭിച്ചു. ഒക്ടോബർ 16-ന് നടക്കുന്ന ഈ സന്ദർശനം വിജയകരമാക്കുന്നതിനും ബഹ്‌റൈൻ മലയാളി സമൂഹത്തിന്റെ ഊഷ്മളമായ സ്വീകരണം ഒരുക്കുന്നതിനുമുള്ള ആലോചനാ യോഗം ഒക്ടോബർ 6-ന് വൈകീട്ട് 8 മണിക്ക് ബഹ്‌റൈൻ കേരളീയ സമാജം ഹാളിൽ വെച്ച് ചേരും.
മുഖ്യമന്ത്രിയുടെ ബഹ്‌റൈൻ സന്ദർശനത്തിന്റെ പ്രാധാന്യം കണക്കിലെടുത്ത്, രാജ്യത്തെ പ്രമുഖ മലയാളി സംഘടനകളുടെയും കൂട്ടായ്മകളുടെയും നേതൃത്വത്തിലാണ് സ്വീകരണ കമ്മിറ്റി രൂപീകരിക്കുന്നത്. ഇതിൽ ലോക കേരള സഭ അംഗങ്ങൾ, ബഹ്‌റൈനിലെ മലയാളം മിഷൻ ചാപ്റ്ററുമായി ബന്ധപ്പെട്ടവർ, പ്രമുഖ വ്യവസായ പ്രമുഖർ, വിവിധ രാഷ്ട്രീയ, സാമൂഹിക, മത നേതാക്കൾ എന്നിവരും ഇതിന്റെ ഭാഗമാകും. മുഖ്യമന്ത്രിയുടെ ഈ സന്ദർശനം കേരളവും ബഹ്‌റൈനിലെ പ്രവാസി സമൂഹവുമായുള്ള ബന്ധം കൂടുതൽ ശക്തമാക്കുമെന്നാണ് പ്രതീക്ഷിക്കുന്നത്. സ്വീകരണ പരിപാടികളുടെ വിശദമായ രൂപരേഖ, ഒക്ടോബർ 6-ന് നടക്കുന്ന യോഗത്തിൽ സ്വീകരിക്കുമെന്നും സംഘാടകർ അറിയിച്ചു.
aa
