'ഹോപ്പ് പ്രീമിയർ ലീഗ്' ഒക്ടോബർ 31ന്
പ്രദീപ് പുറവങ്കര
മനാമ l ഹോപ്പ് അഥവാ പ്രതീക്ഷ ബഹ്‌റൈൻ സംഘടിപ്പിക്കുന്ന ഏകദിന സോഫ്റ്റ് ബോൾ ക്രിക്കറ്റ് ടൂർണമെൻറ് ഒക്ടോബർ 31 ന് നടക്കുമെന്ന് സംഘാടകർ അറിയിച്ചു. ടൂർണമെന്റിന്റെ മൂന്നാം സീസണാണ് ഈ വർഷം നടക്കുന്നത്. സിഞ്ചിലെ അൽ അഹ്ലി ക്ലബ്ബിൽ വെച്ചാണ് പകലും രാത്രിയുമായി മത്സരം നടക്കുന്നത്.
ബ്രോസ് ആൻഡ് ബഡ്ഡീസിന്റെ പിന്തുണയോടെ സംഘടിപ്പിക്കുന്ന മത്സരത്തിൽ ബഹ്‌റൈനിലെ പ്രമുഖ അസ്സോസിയേഷനുകൾ മത്സരിക്കും. വിജയികൾക്ക് ട്രോഫിയും ക്യാഷ് പ്രൈസും വ്യക്തിഗത നേട്ടങ്ങൾക്ക് പ്രത്യേക സമ്മാനങ്ങളും ഉണ്ടായിരിക്കും.
മത്സരത്തിന്റെ സുഗമമായ നടത്തിപ്പിന് അൻസാർ മുഹമ്മദ് (കൺവീനർ), സിബിൻ സലിം (ചീഫ് കോർഡിനേറ്റർ), ജോഷി നെടുവേലിൽ, ഗിരീഷ് കുമാർ ജി, ശ്യാംജിത് കമാൽ, വിപിഷ് എം പിള്ള എന്നിവരുടെ നേതൃത്വത്തിലുള്ള കമ്മറ്റി നിലവിൽ വന്നെന്ന് പ്രസിഡൻറ് ഷിബു പത്തനംതിട്ടയും സെക്രട്ടറി ജയേഷ് കുറുപ്പും അറിയിച്ചു.
രജിസ്‌ട്രേഷനും കൂടുതൽ വിവരങ്ങൾക്കും 3312 5135 അല്ലെങ്കിൽ 3340 1786 എന്നീ നമ്പരുകളിൽ ബന്ധപ്പെടാവുന്നതാണ്.
േി്േി
