എട്ടാമത് ബഹ്‌റൈൻ ഇന്റർനാഷനൽ എയർഷോ 2026 നവംബർ 18 മുതൽ 20 വരെ
പ്രദീപ് പുറവങ്കര
മനാമ: എട്ടാമത് ബഹ്‌റൈൻ ഇന്റർനാഷനൽ എയർഷോ 2026 നവംബർ 18 മുതൽ 20 വരെ നടക്കും. ലണ്ടനിലെ ഫാർൺബറോ ഇന്റർനാഷനലുമായി സഹകരിച്ച് ഗതാഗത, ടെലികമ്യൂണിക്കേഷൻസ് മന്ത്രാലയവും റോയൽ ബഹ്‌റൈൻ വ്യോമസേനയും ചേർന്നാണ് പരിപാടി സംഘടിപ്പിക്കുന്നത്. ഷോയുടെ ഭാഗമായുള്ള തയാറെടുപ്പുകൾ അവലോകനംചെയ്യാനായി ഗതാഗത, ടെലികമ്യൂണിക്കേഷൻ മന്ത്രി ഡോ. ശൈഖ് അബ്ദുല്ല ബിൻ അഹ്മദ് അൽ ഖലീഫ ലണ്ടനിൽ ഫാർൺബറോ ഇന്റർനാഷനലിലെ മുതിർന്ന ഉദ്യോഗസ്ഥരുമായി കൂടിക്കാഴ്ച നടത്തി.
രാജാവ് ഹമദ് ബിൻ ഈസ ആൽ ഖലീഫയുടെ നേതൃത്വത്തിലും കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫയുടെ നിർദേശ പ്രകാരവുമാണ് വ്യോമയാനം, ബഹിരാകാശം, ഡിജിറ്റൽ നവീകരണം എന്നീ മേഖലകളിൽ യു.കെയുമായുള്ള തന്ത്രപരമായ സഹകരണം ശക്തിപ്പെടുത്തുന്നതെന്ന് മന്ത്രി കൂടിക്കാഴ്ചക്കിടെ പറഞ്ഞു.
fhfgh
