യുഎഇയില് 2304 പേര്ക്ക് കൂടി കൊവിഡ് സ്ഥിരീകരിച്ചു
അബുദാബി: യുഎഇയില് 2304 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ-പ്രതിരോധ മന്ത്രാലയം അറിയിച്ചു. ചികിത്സയിലായിരുന്ന 2428 പേര് രോഗമുക്തരായപ്പോള് പുതിയതായി അഞ്ച് കൊവിഡ് മരണങ്ങള് കൂടി രാജ്യത്ത് റിപ്പോര്ട്ട് ചെയ്യപ്പെട്ടു. കഴിഞ്ഞ 24 മണിക്കൂറിനിടെ നടത്തിയ 2,48,372 കൊവിഡ് പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ഇതുവരെയുള്ള കണക്കുകള് പ്രകാരം 4,53,069 പേര്ക്ക് യുഎഇയില് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 4,36,463 പേരാണ് ഇതിനോടകം രോഗമുക്തരായത്. ആകെ 1477 കൊവിഡ് മരണങ്ങളും രാജ്യത്ത് റിപ്പോര്ട്ട് ചെയ്യപ്പെട്ടു. നിലവില് 15,129 കൊവിഡ് രോഗികള് യുഎഇയില് ഉണ്ടെന്നാണ് കണക്ക്.
