ഹിജ്റ പുതുവര്‍ഷാരംഭം യു എ ഇയിൽ അവധിനം പ്രഖ്യാപിച്ചു
അബുദാബി: ഹിജ്റ പുതുവര്‍ഷാരംഭത്തിലെ പൊതുഅവധി ആഗസ്റ്റ് 23ന് ആയിരിക്കുമെന്ന് യുഎഇ ഫെഡറല്‍ അതോറ്റി ഫോര്‍ ഗവണ്‍മെന്റ് ഹ്യൂമണ്‍ റിസോഴ്‍സസ് അറിയിച്ചു. ഹിജ്റ കലണ്ടറിലെ ഒന്നാം ദിനമായ മുഹറം ഒന്ന്, ആഗസ്റ്റ് 23 ഞായറാഴ്ചയായിരിക്കുമെന്നാണ് പ്രതീക്ഷിക്കപ്പെടുന്നത്. മാസപ്പിറവി ദൃശ്യമാകുന്നത് അനുസരിച്ചായിരിക്കും ഇക്കാര്യത്തിലെ അന്തിമ തീരുമാനം.
കഴിഞ്ഞ ദിവസം ഫെഡറല്‍ അതോറ്റി ഫോര്‍ ഗവണ്‍മെന്റ് ഹ്യൂമണ്‍ റിസോഴ്‍സസ് പുറത്തിറക്കിയ അറിയിപ്പ് പ്രകാരം രാജ്യത്തെ പൊതുമേഖലയ്ക്കും ഫെഡറല്‍ ഗവണ്‍മെന്റ് ജീവനക്കാര്‍ക്കും ആഗസ്റ്റ് 23ന് അവധിയായിരിക്കും. വാരാന്ത്യ അവധി ദിനങ്ങള്‍ കൂടി കണക്കാക്കുമ്പോള്‍ മൂന്ന് ദിവസത്തെ അവധി ലഭിക്കും. ആഗസ്റ്റ് 24ന് സ്ഥാപനങ്ങളുടെ പ്രവര്‍ത്തനം പുനഃരാരംഭിക്കും.
