കർണാടകത്തിൽ കോവിഡ് രണ്ടാംഘട്ട വ്യാപനം തുടങ്ങി
ബംഗളൂരു: കർണാടകത്തിൽ കോവിഡ് രണ്ടാംഘട്ട വ്യാപനം തുടങ്ങിയെന്ന് ആരോഗ്യമന്ത്രി ഡോ. കെ. സുധാകർ. ഈ സാഹചര്യത്തിൽ ജനങ്ങൾ നിയന്ത്രണങ്ങൾ കർശനമായി പാലിക്കണമെന്ന് ആരോഗ്യമന്ത്രി നിർദേശിച്ചു. കർണാടകയിൽ ഞായറാഴ്ച 1,715 പേർക്കാണ് കോവിഡ് സ്ഥിരീകരിച്ചത്. ഇതോടെ സംസ്ഥാനത്ത് രോഗം ബാധിച്ചവരുടെ ആകെ എണ്ണം 9,70,202 ആയി. കഴിഞ്ഞ 24 മണിക്കൂറിനിടെ 1048 പേർ രോഗമുക്തി നേടുകയും ചെയ്തു.
