പാക് ഡ്രോൺ ഇന്ത്യൻ സൈന്യം വെടിവെച്ചിട്ടു
ശ്രീനഗർ: ജമ്മു കാഷ്മീരിൽ അതിർത്തികടന്നെത്തിയ പാകിസ്ഥാൻ സൈന്യത്തിന്‍റെ ഡ്രോൺ സൈന്യം വെടിവെച്ചിട്ടു. ഇന്ന് രാവിലെ കുപ്‌വാരയിലെ കേരൻ സെക്ടറിലെ നിയന്ത്രണരേഖയിലാണ് സംഭവം. മാവിക് 2 പ്രോ മോഡൽ ആളില്ലാ ഡ്രോൺ ചൈനീസ് കമ്പനി ഡിജെഐ നിർമിച്ചതാണ്. ഇന്ത്യൻ അതിർത്തി കടന്ന് എത്തിയതോടെയാണ് ചെറുവിമാനം വെടിവച്ചിട്ടതെന്ന് കരസേന അറിയിച്ചു.
നുഴഞ്ഞുകയറ്റ സാധ്യതയുള്ളതിനാൽ നിയന്ത്രണരേഖയിൽ അതിർത്തി രക്ഷാസേന നിരീക്ഷണം ശക്തമാക്കിയിട്ടുണ്ട്.
