മഹാരാഷ്ട്രയിൽ നാല് നില കെട്ടിടം തകർന്നു വീണ് ആറുവയസുകാരി മരിച്ചു
പൽഘാർ: മഹാരാഷ്ട്രയിലെ പൽഘാറിൽ നാല് നില കെട്ടിടം തകർന്നു വീണ് ആറുവയസുകാരി മരിച്ചു. അപകടത്തിൽ നിരവധി പേർക്ക് പരിക്കേൽക്കുകയും ചെയ്തു. ചൊവ്വാഴ്ച വൈകുന്നേരമായിരുന്നു സംഭവം. അനധികൃതമായി നിർമ്മിച്ച കെട്ടിടമാണ് തകർന്നു വീണതെന്ന് കരുതുന്നു. നിരവധി പേർ കെട്ടിടത്തിനുള്ളിൽ കുടുങ്ങിക്കിടക്കുന്നതായും സംശയമുണ്ട്. രക്ഷാപ്രവർത്തനം പുരോഗമിക്കുകയാണ്.
