നെതന്യാഹുവിനെ പുറത്താക്കാൻ ഇസ്രായേൽ തെരുവിൽ ജനകീയ റാലി; യഹൂദ-അറബ് സഖ്യത്തിനായി മുറവിളി
ഷീബ വിജയൻ
തെൽ അവിവ്: ഇസ്രായേൽ പ്രധാനമന്ത്രി ബിന്യമിൻ നെതന്യാഹുവിനെ അധികാരത്തിൽനിന്ന് പുറത്താക്കാൻ ലക്ഷ്യമിട്ട് തെൽ അവിവിൽ ആയിരക്കണക്കിന് ആളുകൾ അണിനിരന്നു. യഹൂദ-അറബ് സഖ്യം രൂപീകരിച്ച് പ്രതിപക്ഷ കക്ഷികൾ സർക്കാർ ഉണ്ടാക്കണമെന്നാണ് പ്രക്ഷോഭകരുടെ പ്രധാന ആവശ്യം. രാജ്യത്ത് യഥാർഥ മാറ്റം കൊണ്ടുവരാനുള്ള അവസാന അവസരമാണിതെന്നാണ് റാലിയിൽ പങ്കെടുത്തവർ വ്യക്തമാക്കുന്നത്.
അടുത്തിടെ നടന്ന തെരഞ്ഞെടുപ്പിൽ നെതന്യാഹുവിന്റെ സഖ്യം 53 സീറ്റുകളും പ്രതിപക്ഷ നേതാവ് ഗാഡി ഐസൻകോട്ടിന്റെ വിഭാഗം 48 സീറ്റുകളുമാണ് നേടിയത്. ഒറ്റയ്ക്ക് സർക്കാർ രൂപീകരിക്കാൻ ആർക്കും ഭൂരിപക്ഷം ലഭിച്ചിട്ടില്ല. എന്നാൽ ഇസ്രായേലിലെ അറബ് പാർട്ടികൾ 19 സീറ്റുകൾ നേടി മികച്ച മുന്നേറ്റം കാഴ്ചവച്ചിട്ടുണ്ട്. അറബ് പാർട്ടികളുടെ പിന്തുണ ലഭിച്ചാൽ ഐസൻകോട്ടിന് 67 സീറ്റുകളുടെ സുഖകരമായ ഭൂരിപക്ഷത്തോടെ സർക്കാർ രൂപീകരിക്കാൻ സാധിക്കും. എങ്കിലും അറബ് പാർട്ടികളുമായി സഖ്യമുണ്ടാക്കുന്നതിനെതിരെ വലതുപക്ഷ വൃത്തങ്ങൾ രംഗത്തുവന്നിട്ടുണ്ട്. തെരഞ്ഞെടുപ്പ് അട്ടിമറിക്കാൻ ഫലസ്തീൻ-ഇസ്രായേൽ പാർട്ടികൾ ഖത്തറിൽനിന്ന് ഫണ്ട് സ്വീകരിച്ചുവെന്ന ഗുരുതര ആരോപണവും നെതന്യാഹു ഉന്നയിച്ചിട്ടുണ്ട്. എന്നാൽ ഈ ആരോപണങ്ങൾ ഖത്തർ പൂർണ്ണമായും തള്ളിക്കളഞ്ഞു.
qdsadsdsa
