നന്ദിഗ്രാമും മധുരാന്തകവും ഉൾപ്പെടെ ആറ് നിർണായക ഉപതെരഞ്ഞെടുപ്പുകളിൽ വോട്ടെണ്ണൽ ആരംഭിച്ചു; ഉറ്റുനോക്കി രാജ്യം
ഷീബ വിജയൻ
തമിഴ്‌നാട്, പശ്ചിമ ബംഗാൾ, പുതുച്ചേരി എന്നിവിടങ്ങളിലെ അഞ്ച് നിയമസഭ മണ്ഡലങ്ങളിലേക്കും അസമിലെ ഒരു ലോക്‌സഭാ മണ്ഡലത്തിലേക്കും നടന്ന ഉപതെരഞ്ഞെടുപ്പുകളുടെ വോട്ടെണ്ണൽ ആരംഭിച്ചു. തമിഴ്‌നാട്ടിലെ മധുരാന്തകം, ധാരാപുരം നിയമസഭാ മണ്ഡലങ്ങളിലെ തെരഞ്ഞെടുപ്പ് ഫലം നടൻ വിജയ്ന്റെ നേതൃത്വത്തിലുള്ള തമിഴക വെട്രി കഴകം (ടി.വി.കെ) സർക്കാരിന്റെ ആദ്യ ജനവിധി പരിശോധനയാകും. എഐഡിഎംകെയിൽ നിന്ന് ടിവിഎക്കിലേക്ക് കൂറുമാറിയ എംഎൽഎമാരുടെ സീറ്റുകളാണിത്. ഇവിടെ എ.ഐ.ഡി.എം.കെയും എം.കെ. സ്റ്റാലിന്റെ ഡി.എം.കെയും ശക്തമായ പോരാട്ടത്തിലാണ്.
പശ്ചിമ ബംഗാളിലെ നന്ദിഗ്രാം, രെജിനഗർ മണ്ഡലങ്ങളിലെ വോട്ടെണ്ണൽ 2026ലെ നിയമസഭാ തെരഞ്ഞെടുപ്പിൽ ടി.എം.സി ഭരണത്തിന് ശേഷം ബി.ജെ.പി അധികാരത്തിൽ വന്ന ശേഷമുള്ള രാഷ്ട്രീയ സാഹചര്യത്തിൽ ഏറെ നിർണായകമാണ്. നന്ദിഗ്രാമിൽ തൃണമൂൽ കോൺഗ്രസ് സ്ഥാനാർത്ഥി സഞ്ചിത പ്രധാൻ ദേ പത്രിക പിൻവലിച്ചതിനെ തുടർന്ന് ബി.ജെ.പിയുടെ ഹസിറാനി റാഥും മമതയുടെ വിഭാഗത്തിന്റെ പിന്തുണയുള്ള കോൺഗ്രസ് സ്ഥാനാർഥി മിലൻ പ്രധാനുമാണ് പ്രധാന മത്സരരംഗത്തുള്ളത്. അസമിലെ നാഗോൺ ലോക്‌സഭാ മണ്ഡലത്തിൽ കോൺഗ്രസ് ദിഗ്ഗജൻ പ്രദ്യുത് ബോർഡോലോയ് ബി.ജെ.പിയിലേക്ക് കൂറുമാറിയതിനെ തുടർന്ന് വന്ന ഒഴിവിലേക്ക് ബിജെപിയുടെ ദേബാശിഷ് ശർമ്മ, കോൺഗ്രസിന്റെ സിബമോണി ബോറ, എ.ഐ.യു.ഡി.എഫ് അധ്യക്ഷൻ ബദ്റുദ്ദീൻ അജ്മൽ എന്നിവർ തമ്മിൽ ശക്തമായ ത്രികോണ മത്സരം നടക്കുന്നു. പുതുച്ചേരിയിലെ തത്തഞ്ചാവടി മണ്ഡലത്തിലെ വോട്ടെണ്ണലും പുരോഗമിക്കുകയാണ്.
dsdsdsds
