ബിജെപിക്ക് സീറ്റ് ലഭിക്കരുത്; നിലപാട് വ്യക്തമാക്കി എസ്ഡിപിഐ
ഷീബ വിജയൻ I കേരളം
തിരുവനന്തപുരം: നിയമസഭാ തിരഞ്ഞെടുപ്പിൽ എസ്ഡിപിഐ സ്ഥാനാർത്ഥികൾ ഇല്ലാത്ത മണ്ഡലങ്ങളിൽ സ്വീകരിക്കേണ്ട നിലപാടിൽ വ്യക്തത വരുത്തി സംസ്ഥാന പ്രസിഡന്റ് സി.പി.എ. ലത്തീഫ്. എൻഡിഎയ്ക്ക് സീറ്റുകൾ ലഭിക്കാതിരിക്കാൻ പ്രവർത്തകർ ജാഗ്രത പാലിക്കണമെന്ന് അദ്ദേഹം നിർദ്ദേശിച്ചു. പാർട്ടി മത്സരിക്കാത്ത ഇടങ്ങളിൽ ആർക്ക് വോട്ട് ചെയ്യണം എന്നത് സംബന്ധിച്ച് പ്രവർത്തകർക്ക് കൃത്യമായ നിർദ്ദേശം നൽകിയിട്ടുണ്ടെന്നും അദ്ദേഹം കൂട്ടിച്ചേർത്തു.
ഒരു മുന്നണിയുമായും സഖ്യത്തിനില്ലെന്ന് വ്യക്തമാക്കിയ സി.പി.എ. ലത്തീഫ്, എസ്ഡിപിഐ ഇത്തവണ 36 മണ്ഡലങ്ങളിലാണ് ജനവിധി തേടുന്നതെന്ന് അറിയിച്ചു. തങ്ങൾ ഒരു മുന്നണിയുടെയും ഭാഗമല്ലെന്നും ഒരു മുന്നണിക്കുവേണ്ടിയും വോട്ട് ചോദിക്കില്ലെന്നും അദ്ദേഹം വാർത്താ സമ്മേളനത്തിൽ പറഞ്ഞു. സംസ്ഥാനത്ത് നിലവിൽ സമ്പൂർണ്ണമായ ഒരു ഭരണവിരുദ്ധ വികാരം നിലനിൽക്കുന്നില്ലെന്നും അദ്ദേഹം നിരീക്ഷിച്ചു.
ബിജെപിയുടെ കടന്നുകയറ്റം തടയുക എന്ന ലക്ഷ്യത്തോടെയാകും പാർട്ടി സ്ഥാനാർത്ഥികൾ ഇല്ലാത്തയിടങ്ങളിൽ വോട്ട് വിനിയോഗിക്കുക എന്നാണ് നേതൃത്വം നൽകുന്ന സൂചന.
dsdsdsadssdf
