ബഹ്റൈൻ ഉൽപാദന മേഖലയിൽ വൻ മുന്നേറ്റം; ജി.ഡി.പിയിൽ നിർണ്ണായക പങ്ക്
പ്രദീപ് പുറവങ്കര / മനാമ
രാജ്യത്തിന്റെ മൊത്ത ആഭ്യന്തര ഉൽപാദനത്തിന്റെ (ജി.ഡി.പി) അഞ്ചിലൊന്ന് സംഭാവന ചെയ്യുന്ന ഉൽപാദന മേഖല വരും വർഷങ്ങളിൽ കൂടുതൽ കരുത്താർജിക്കുമെന്ന് സാമ്പത്തിക വിദഗ്ധർ. അലൂമിനിയം, പെട്രോകെമിക്കൽസ് തുടങ്ങിയ മൂല്യവർധിത മേഖലകളിലെ വൻ നിക്ഷേപങ്ങളും അടിസ്ഥാന സൗകര്യ വികസനവുമാണ് ഈ വളർച്ചയ്ക്ക് കരുത്തേകുന്നത്.
ഔദ്യോഗിക കണക്കുകൾ പ്രകാരം ബഹ്റൈൻ സമ്പദ്വ്യവസ്ഥയുടെ 85 ശതമാനത്തിലധികവും നിലവിൽ എണ്ണയിതര മേഖലകളെ ആശ്രയിച്ചാണ്. 2025-ന്റെ രണ്ടാം പാദത്തിൽ എണ്ണയിതര മേഖല 3.5 ശതമാനം വളർച്ച രേഖപ്പെടുത്തി. ഉൽപാദന മേഖലയിൽ മാത്രം ഇക്കാലയളവിൽ 543.70 ദശലക്ഷം ദീനാറിന്റെ വരുമാനമുണ്ടായി. ഇത് മുൻ പാദങ്ങളെ അപേക്ഷിച്ച് ശ്രദ്ധേയമായ വർധനയാണ്.
പ്രാദേശിക ഉൽപന്നങ്ങളുടെ ആഗോള മത്സരക്ഷമത വർധിപ്പിക്കുക, കയറ്റുമതി ഉയർത്തുക, ഉന്നത നിലവാരമുള്ള തൊഴിലവസരങ്ങൾ സൃഷ്ടിക്കുക എന്നിവയാണ് ഈ പദ്ധതിയുടെ പ്രധാന ലക്ഷ്യങ്ങൾ. വ്യവസായങ്ങൾക്കാവശ്യമായ അസംസ്കൃത വസ്തുക്കൾക്ക് കസ്റ്റംസ് നികുതി ഇളവ് നൽകുന്നതും ഡിജിറ്റൽ സാങ്കേതികവിദ്യ പ്രോത്സാഹിപ്പിക്കുന്നതും മേഖലയ്ക്ക് വലിയ പിന്തുണയാകുന്നു. ആഗോള വിപണിയിലെ മത്സരങ്ങളും ചെലവ് വർധനയും വെല്ലുവിളിയാണെങ്കിലും ബഹ്റൈന്റെ വ്യവസായിക അടിത്തറ സുരക്ഷിതമാണെന്ന് റിപ്പോർട്ടുകൾ വ്യക്തമാക്കുന്നു.
sfdsf
