ബാരിയാട്രിക് സർജറിയിൽ ചരിത്രനേട്ടം; അന്താരാഷ്ട്ര അംഗീകാരവുമായി അൽ ഹിലാൽ പ്രീമിയർ ഹോസ്പിറ്റൽ
പ്രദീപ് പുറവങ്കര / മനാമ
ബഹ്റൈനിലെ ആരോഗ്യരംഗത്ത് പുതിയ നാഴികക്കല്ല് കുറിച്ച് അൽ ഹിലാൽ പ്രീമിയർ ഹോസ്പിറ്റൽ. ബാരിയാട്രിക് സർജറി വിഭാഗത്തിൽ അമേരിക്ക ആസ്ഥാനമായുള്ള സർജിക്കൽ റിവ്യൂ കോർപ്പറേഷന്റെ (SRC) 'സെന്റർ ഓഫ് എക്സലൻസ്' (Center of Excellence) പദവി നേടുന്ന ബഹ്റൈനിലെ ആദ്യത്തെ ആശുപത്രിയായി അൽ ഹിലാൽ മാറി.
ഇരട്ട നേട്ടം ആശുപത്രിയുടെ ഈ വലിയ നേട്ടത്തോടൊപ്പം, അൽ ഹിലാൽ ഗ്രൂപ്പിലെ കൺസൾട്ടന്റ് ഡോ. ആമിർ അൽദേരാസി മറ്റൊരു അപൂർവ്വ ബഹുമതിയും സ്വന്തമാക്കി. ബാരിയാട്രിക് സർജറിയിൽ ബഹ്റൈനിലെ ആദ്യത്തെ 'എസ്.ആർ.സി മാസ്റ്റർ സർജൻ' (Master Surgeon) പദവിയാണ് അദ്ദേഹം കരസ്ഥമാക്കിയത്.
രോഗി സുരക്ഷയും ഗുണനിലവാരവും രോഗികളുടെ സുരക്ഷ, ചികിത്സാ നിലവാരം, ശസ്ത്രക്രിയയ്ക്ക് ശേഷമുള്ള പരിചരണം എന്നിവ മുൻനിർത്തി എസ്.ആർ.സി നടത്തിയ കർശനമായ പരിശോധനകൾക്കും വിലയിരുത്തലുകൾക്കും ശേഷമാണ് ഈ അന്താരാഷ്ട്ര അംഗീകാരം നൽകിയത്. ഈ നേട്ടത്തോടെ അൽ ഹിലാൽ പ്രീമിയർ ഹോസ്പിറ്റൽ ബഹ്റൈനിലെ മെറ്റബോളിക്, ബാരിയാട്രിക് സർജറി മേഖലയിലെ ഏറ്റവും മികച്ച ചികിത്സ ലഭ്യമാക്കുന്ന ദേശീയ റഫറൻസ് കേന്ദ്രമായി മാറിയിരിക്കുകയാണ്.
ബാരിയാട്രിക് ശസ്ത്രക്രിയകൾ ആവശ്യമുള്ളവർക്ക് അന്താരാഷ്ട്ര നിലവാരത്തിലുള്ള ചികിത്സാ സൗകര്യങ്ങൾ ഇനി രാജ്യത്ത് തന്നെ കൂടുതൽ വിശ്വസനീയമായി ലഭ്യമാകുമെന്ന് ആശുപത്രി അധികൃതർ അറിയിച്ചു.
ു്ിു
