കോട്ടയത്ത് വൃദ്ധ ദമ്പതികളെ മരിച്ച നിലയിൽ കണ്ടെത്തി
കോട്ടയം: ചങ്ങനാശേരിക്ക് സമീപം കുറിച്ചി കേളൻകവലയിൽ വൃദ്ധ ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി. ഗോപി (80), ഭാര്യ കുഞ്ഞമ്മ (78) എന്നിവരാണ് മരിച്ചത്. ലോട്ടറി കച്ചവടക്കാരനായിരുന്നു ഗോപി. മരണകാരണം വ്യക്തമായിട്ടില്ല. പോലീസ് സ്ഥലത്തെത്തി പരിശോധന നടത്തി. മൃതദേഹങ്ങൾ പോസ്റ്റ് മോർട്ടത്തിനായി ആശുപത്രിയിലേക്ക് മാറ്റി.
