ജയിൽ കോവിഡ് കെയർ സെന്ററിൽ പോക്സോ കേസിലെ പ്രതി തൂങ്ങിമരിച്ച നിലയിൽ
തൊടുപുഴ: ജയിൽ കോവിഡ് കെയർ സെന്ററിൽ പോക്സോ കേസിലെ പ്രതിയെ തൂങ്ങിമരിച്ച നിലയിൽ കണ്ടെത്തി. കുമളി സ്വദേശി ബിനോയ് (46) ആണ് തൊടുപുഴ മുട്ടത്ത് ജയിലിലെ ശുചിമുറിയിൽ തൂങ്ങിമരിച്ചത്. ഈ മാസം 23−നാണ് ഇയാളെ കോവിഡ് കെയർ സെന്ററിൽ പ്രവേശിപ്പിച്ചത്. 13 വയസുകാരിയെ പീഡിപ്പിച്ച കേസിലെ പ്രതിയാണു ബിനോയ്. ആത്മഹത്യയുടെ കാരണം വ്യക്തമല്ല. സംഭവത്തെക്കുറിച്ച് പോലീസ് അന്വേഷണം ആരംഭിച്ചു.
