ലോക്ക്ഡൗൺ മാർഗനിർദ്ദേശങ്ങൾ പുതുക്കി കേരളം
തിരുവനന്തപുരം: ലോക്ക്ഡൗൺ ഇളവുകളിൽ കേന്ദ്ര സർക്കാരും സംസ്ഥാന സർക്കാരും പുറത്തിറക്കിയ മാനദണ്ധങ്ങളിലെ അവ്യക്തത ഒഴിവാക്കാൻ സംസ്ഥാന സർക്കാർ പുതിയ മാർഗ നിർദ്ദേശം പുറപ്പെടുവിച്ചു. ഗ്രീൻസോണിൽ കൂടുതൽ ഇളവുകൾ വരുത്തിയെന്ന വിലയിരുത്തലിൽ ജനങ്ങൾ നിരത്തിലിറങ്ങിയത് വലിയ ആശയക്കുഴപ്പം സൃഷ്ടിച്ചിരുന്നു. ഇതോടെയാണ് പുതിയ മാർഗനിർദ്ദേശം പുറത്തിറക്കിയത്.
∗ റെഡ്‌സോൺ ജില്ലകളിലെ ഹോട്ടസ്‌പോട്ടുകളിൽ (കണ്ടയിന്‍മെന്‍റ് സോൺ) നിലവിലെ കർശന നിയന്ത്രണം തുടരും.
∗ ഓറഞ്ച് സോണുകളിലെ ഹോട്ട്‌സ്‌പോട്ടുകളിലും നിലവിലെ കർശന നിയന്ത്രണം തുടരണം.
∗ഹോട്ട്‌സ്‌പോട്ടുകളുള്ള നഗരസഭകളിൽ അതാത് വാർഡുകളാണ് മാനദണ്ധങ്ങൾ പാലിക്കേണ്ടത്.
∗ പഞ്ചായത്തുകളിൽ വാർഡുകളും അതിനോട് കൂടിച്ചേർന്ന സ്ഥലങ്ങളും മാനദണ്ധം പാലിക്കണം.
∗ ഗ്രീൻസോണിലും പൊതുവിലുള്ള സുരക്ഷാ മാനദണ്ധം പാലിക്കണം.
∗ മാളുകളും ബാർബർ ഷോപ്പുകളും മദ്യശാലകളും ഗ്രീൻസോണുകളിലും തുറക്കില്ല.
∗ വിദ്യാഭ്യാസ സ്ഥാപനങ്ങൾ പരീക്ഷ നടത്തിപ്പിനായി മാത്രം തുറക്കാം.
∗ ഗ്രീൻസോണിൽ സേവന മേഖലയിലെ സ്ഥാപനങ്ങൾ ആഴ്ചയിൽ മൂന്നു ദിവസം.
∗ ഈ സ്ഥാപനങ്ങളിൽ പരമാവധി അന്പതു ശതമാനം ജീവനക്കാരാകാം.
∗ ഗ്രീൻ സോണിൽ രണ്ടു നില അല്ലാത്ത ടെക്ൈസ്റ്റൽ തുറക്കാം.
