മുതിർന്ന കോൺഗ്രസ് നേതാവ് സുരേഷ് കൽമാഡി അന്തരിച്ചു
ഷീബ വിജയൻ
മുൻ കേന്ദ്രമന്ത്രിയും മുതിർന്ന കോൺഗ്രസ് നേതാവുമായ സുരേഷ് കൽമാഡി (81) അന്തരിച്ചു. വാർദ്ധക്യസഹജമായ അസുഖങ്ങളെത്തുടർന്ന് ചികിത്സയിലായിരുന്ന അദ്ദേഹം പൂനയിലെ ആശുപത്രിയിൽ വെച്ചാണ് അന്തരിച്ചത്. റെയിൽവേ സഹമന്ത്രിയായും ദീർഘകാലം ഇന്ത്യൻ ഒളിമ്പിക് അസോസിയേഷൻ പ്രസിഡന്റായും അദ്ദേഹം സേവനമനുഷ്ഠിച്ചിട്ടുണ്ട്. പൂനയിൽ നിന്ന് ഒന്നിലധികം തവണ ലോക്സഭയിലേക്ക് തിരഞ്ഞെടുക്കപ്പെട്ട കൽമാഡിയുടെ രാഷ്ട്രീയ ജീവിതത്തിൽ 2010-ലെ കോമൺവെൽത്ത് ഗെയിംസ് അഴിമതി ആരോപണം വലിയ തിരിച്ചടിയായിരുന്നു. ഈ കേസിനെത്തുടർന്ന് അദ്ദേഹം ജയിൽവാസം അനുഷ്ഠിക്കുകയും കോൺഗ്രസിൽ നിന്ന് സസ്പെൻഡ് ചെയ്യപ്പെടുകയും ചെയ്തിരുന്നു. സംസ്കാര ചടങ്ങുകൾ ഇന്ന് വൈകുന്നേരം പൂനയിലെ വൈകുണ്ഠ് ശ്മശാനത്തിൽ നടക്കും.
asdadasdsa
