കൊറോണ വൈറസ് മനുഷ്യ നിർമ്മിതം തന്നെ; ഉറവിടം ചൈന: സ്ഥിരീകരിച്ച് എഫ്ബിഐ
കോടിക്കണക്കിനാളുകളുടെ ജീവന്‍ അപഹരിച്ച കൊറോണ വൈറസ് മനുഷ്യനിർ‍മിതമാണെന്നും ചൈനയിലെ വുഹാന്‍ ലാബിൽ നിന്നും ചോർ‍ന്നതാണെന്നുമുള്ള സംശയങ്ങൾ ആദ്യം മുതലേ ഉയർ‍ന്നിരുന്നു. അമേരിക്കയടക്കം പല രാജ്യങ്ങളും ചൈനക്കെതിരെ രംഗത്തെത്തിയിരുന്നു. വുഹാന്‍ ഇന്‍സ്റ്റിറ്റ്യൂട്ട് ഓഫ് വൈറോളജിയിൽ പ്രവർ‍ത്തിച്ചിരുന്ന ശാസ്ത്രജ്ഞർ തന്നെ ഈ വാദത്തെ പിന്തുണച്ചിരുന്നു. ഇപ്പോൾ അമേരിക്കയിലെ ഫെഡറൽ ബ്യൂറോ ഓഫ് ഇന്‍വസ്റ്റിഗേഷനും(എഫ്ബിഐ) ഇതു സ്ഥിരീകരിച്ചിരിക്കുകയാണ്.
ചൈനീസ് ലാബിൽ നിന്നാണ് വൈറസ് ചോർ‍ന്നതെന്ന ബ്യൂറോയുടെ റിപ്പോർട്ട് നിലപാട് എഫ്ബിഐ ഡയറക്ടർ ക്രിസ്റ്റഫർ റേ ചൊവ്വാഴ്ച സ്ഥിരീകരിച്ചു.
“മഹാമാരിയുടെ ഉത്ഭവം മിക്കവാറും ചൈനയിലെ വുഹാനിൽ നിന്നാണെന്ന് എഫ്ബിഐ കുറച്ച് കാലമായി വിലയിരുത്തുന്നു,” ഫോക്സ് ന്യൂസിന്‍റെ ബ്രെറ്റ് ബെയറിന് നൽകിയ അഭിമുഖത്തിൽ റേ പറഞ്ഞു. കോവിഡിനു കാരണമായ സാർ‍സ്‍കോവ്−2 വുഹാനിൽ നിന്നും ചോർ‍ന്നതാണെന്ന അമേരിക്കന്‍ ഊർജ ഡിപ്പാർ‍ട്ട്മെന്‍റിന്‍റെ റിപ്പോർട്ട് പുറത്തുവന്നതിനു പിന്നാലെയാണ് എഫ്ബിഐയുടെ സ്ഥിരീകരണം. വാൾസ്ട്രീറ്റ് ജേർ‍ണലും ഇതു റിപ്പോർട്ട് ചെയ്തിട്ടുണ്ട്. യു.എസ് ഉദ്യോഗസ്ഥർ ഇപ്പോഴും കോവിഡിന്റെ ഉത്ഭവത്തെക്കുറിച്ച് അന്വേഷിക്കുകയാണെന്നും ചൈന അന്വേഷണത്തെ കല്ലെറിയുകയാണെന്നും റേ പറഞ്ഞു.
“ജീവശാസ്ത്രപരമായ ഭീഷണികളുടെ അപകടങ്ങളെക്കുറിച്ച് പ്രത്യേകം ശ്രദ്ധ കേന്ദ്രീകരിക്കുന്നു. അതിൽ കോവിഡ് പോലുള്ള നോവൽ വൈറസുകളും തെറ്റായ കൈകളിലെ ആശങ്കകളും ഉൾപ്പെടുന്നു. ചില മോശം ആളുകൾ, ശത്രുതാപരമായ രാഷ്ട്ര രാഷ്ട്രം, ഒരു ഭീകരൻ, ഒരു കുറ്റവാളി, അവർ ഉയർത്തിയേക്കാവുന്ന ഭീഷണി.” റേ ബെയറിന് നൽകിയ അഭിമുഖത്തിൽ പറഞ്ഞു.
വാൾസ്ട്രീറ്റ് ജേർണൽ റിപ്പോർട്ട് അനുസരിച്ച്, കോവിഡ് ലാബിൽ നിന്നാണെന്ന ഊർജ വകുപ്പിന്‍റെ വാദം അത്ര ആത്മിശ്വാസത്തോടെ ആയിരുന്നില്ല. 2021ൽ തയ്യാറാക്കിയ റിപ്പോർ‍ട്ടാണ് പുറത്തുവന്നത്. രഹസ്യസ്വഭാവമുള്ള ഈ റിപ്പോർട്ട് ഇന്റലിജൻസ് ഏജൻസികളിൽ നിന്ന് ലഭിച്ച വിവരങ്ങൾ കൂടി ചേർത്ത് അടുത്തിടെ യു.എസ് കോണ്‍ഗ്രസ് അംഗങ്ങൾ‍ക്കും വൈറ്റ് ഹൗസിനും സമർ‍പ്പിച്ചെന്നും വാൾ സ്ട്രീറ്റ് റിപ്പോർട്ട് പറയുന്നു.
കോവിഡിന്റെ ഉത്ഭവം വുഹാന്‍ ലാബിലെന്നതിന് തെളിവുണ്ടെന്ന് അമേരിക്കരോഗബാധിതനായ ഒരു മൃഗത്തിൽ നിന്ന് സ്വാഭാവികമായി വൈറസ് മനുഷ്യരിലേക്ക് പടർ‍ന്നതാണെന്നാണ് നാഷനൽ ഇന്‍റലിജന്‍സ് കൗൺസിലും മറ്റ് നാല് അജ്ഞാത ഏജൻസികളും ഇപ്പോഴും വാദിക്കുന്നതെന്ന് ജേണൽ റിപ്പോർട്ട് ചെയ്തു. എന്നാൽ ഇതിനും കൃത്യമായ തെളിവില്ല. എന്നാൽ വൈറസ് വുഹാന്‍ ലാബിൽ നിന്നും ചോർ‍ന്നതാണെന്ന കാര്യം വൈറ്റ് ഹൗസ് നിഷേധിക്കുന്നുണ്ട്. കൊറോണയുടെ ഉത്ഭവം വുഹാനിൽ നിന്നാണെന്നതിന് കൃത്യമായ തെളിവില്ലെന്നാണ് വൈറ്റ് ഹൗസ് വ്യക്തമാക്കുന്നത്. പൊട്ടിത്തെറിയുടെ ഉറവിടം തങ്ങൾക്ക് ഒരിക്കലും അറിയാൻ കഴിയില്ലെന്ന് മുൻ വൈറ്റ് ഹൗസ് ചീഫ് മെഡിക്കൽ അഡ്വൈസർ ആന്റണി ഫൗസി തിങ്കളാഴ്ച വ്യക്തമാക്കി. ബോസ്റ്റൺ ഗ്ലോബിന് നൽകിയ അഭിമുഖത്തിൽ എല്ലാ സാധ്യതകളോടും ‘തുറന്ന മനസ്സ്’ സൂക്ഷിക്കാൻ അദ്ദേഹം ആളുകളോട് അഭ്യർ‍ഥിച്ചു.
3464
