ഇസ്ലാമാബാദിൽ ഷിയാ മസ്ജിദിൽ ചാവേർ ആക്രമണം: 32 മരണം; ഉത്തരവാദിത്വം ഏറ്റെടുത്ത് ഐഎസ്
ശാരിക l വിദേശകാര്യം
ഇസ്ലാമാബാദ്: പാക്കിസ്ഥാൻ തലസ്ഥാനമായ ഇസ്ലാമാബാദിലെ ഷിയാ മസ്ജിദിലുണ്ടായ ചാവേർ സ്ഫോടനത്തിന്റെ ഉത്തരവാദിത്വം ഇസ്ലാമിക് സ്റ്റേറ്റ് ഏറ്റെടുത്തു. വെള്ളിയാഴ്ച പ്രാർത്ഥനയ്ക്കിടെ നടന്ന ഈ ദാരുണമായ ആക്രമണത്തിൽ 32 പേർക്ക് ജീവൻ നഷ്ടമാവുകയും 170 പേർക്ക് പരിക്കേൽക്കുകയും ചെയ്തു. ആക്രമണത്തെ ശക്തമായി അപലപിച്ച പ്രധാനമന്ത്രി ഷെഹ്ബാസ് ഷരീഫ്, കുറ്റവാളികളെ നിയമത്തിന് മുന്നിൽ കൊണ്ടുവരുമെന്ന് ഉറപ്പുനൽകി.
അന്വേഷണത്തിന്റെ ഭാഗമായി പെഷവാറിലെ ചാവേറിന്റെ ഒളിത്താവളത്തിൽ നിന്ന് രണ്ട് സഹോദരങ്ങളെയും ഒരു യുവതിയെയും സുരക്ഷാ സേന അറസ്റ്റ് ചെയ്തിട്ടുണ്ട്. മൂന്ന് മാസത്തിനിടെ പാക്കിസ്ഥാൻ തലസ്ഥാനത്ത് അരങ്ങേറുന്ന രണ്ടാമത്തെ ചാവേർ ആക്രമണമാണിത്. സംഭവത്തെ ഇന്ത്യ അപലപിച്ചുവെങ്കിലും, സ്ഫോടനവുമായി ബന്ധപ്പെട്ട് പാക്കിസ്ഥാൻ ഉന്നയിക്കുന്ന ആരോപണങ്ങൾ അടിസ്ഥാനരഹിതമാണെന്ന് ഇന്ത്യൻ വിദേശകാര്യ മന്ത്രാലയം വ്യക്തമാക്കി.
fsdfsf
