പൈനാപ്പിളിന്റെ ആരോഗ്യ ഗുണങ്ങൾ
പൈനാപ്പിൾ കഴിക്കുന്നത് കൊണ്ട് ലഭിക്കുന്ന ആരോഗ്യ ഗുണങ്ങളെപറ്റി അറിയുന്നവർ വളരെ ചുരുക്കമാണ്. മനുഷ്യ ശരീരത്തിനാവശ്യമായ നിരവധി ആരോഗ്യ മൂലികകളാണ് പൈനാപ്പിൾ അഥവാ കൈതച്ചക്ക പ്രദാനം ചെയ്യുന്നത്. പൈനാപ്പിളിൽ അടങ്ങിയിരിക്കുന്ന വിറ്റാമിൻ സി ശരീത്തിലെ വൈറസുകളേയും ചർ‍മ്മത്തിലുണ്ടാകുന്ന ഇൻ‍ഫക്ഷനുകളേയും പ്രതിരോധിക്കാൻ സഹായിക്കും.
ദഹന പ്രക്രിയയ്ക്ക് സഹായകമാകുന്നു എന്നത് പൈനാപ്പിളിന്റെ മറ്റൊരു ഗുണമാണ്. ഇതിൽ അടങ്ങിയിരിക്കുന്ന ബ്രോമെലയ്ൻ എന്ന എൻ‍സൈം ദഹനക്കേട് അകറ്റാൻ സഹായിക്കുകയും ചുമ, കഫം എന്നിവ അകറ്റുകയും ചെയ്യും. ദഹന പ്രക്രിയ സുഗമമാക്കാൻ ആഹാരങ്ങൾ‍ക്കിടയ്ക്ക് പൈനാപ്പിൾ കഴിക്കുന്നത് നല്ലതാണ്. മുറിവുകളിൽ നിന്നും പരിക്കുകളിൽ നിന്നും ഉണ്ടായേക്കാവുന്ന പഴുപ്പ്്, നീർ‍വീക്കം, ചതവ്, മുറിവുണങ്ങുന്നതിനുള്ള സമയം എന്നിവ കുറയ്ക്കുന്നതിനും ബ്രോമെലയ്ൻ സഹായകമാണ്. പ്രകൃതിദത്ത മധുരവും പോഷക മൂല്യങ്ങളും ഇതിൽ അടങ്ങിയിട്ടുള്ളതിനാൽ ഭാരം കുറയ്ക്കാൻ ആഗ്രഹിക്കുന്നവർ‍ക്ക് തിരഞ്ഞെടുക്കാവുന്ന ഒരു ആഹാരം കൂടിയാണ് പൈനാപ്പിൾ.
മറ്റ് മധുരമുള്ളതും കൊഴുപ്പ് അടങ്ങിയതുമായ ആഹാരങ്ങളെ അപേക്ഷിച്ച് 87 ശതമാനം വെള്ളവും താരതമ്യേന കലോറിയില്ലാത്തതുമാണ് പൈനാപ്പിൾ. ഒരു ദിവസം മൂന്നോ അധിലധികമോ തവണ പൈനാപ്പിൾ കഴിക്കുന്നത് പ്രായപൂർ‍ത്തിയായ ഒരാളുടെ കാഴ്ച്ചശക്തി കുറയാനുള്ള സാധ്യത 36 ശതമാനം കുറയ്ക്കാനാവും. ആഹാരത്തിൽ കൂടുതൽ പൈനാപ്പിൾ ഉൾ‍പ്പെടുത്തുന്നത് കൂടുതൽ ആന്റി ഓക്‌സിഡന്റുകൾ ലഭിക്കുന്നതിനും സഹായിക്കും.
