വീണ്ടും ഗുഡ് വില് എന്റര്ടെയ്ന്മെന്റ്സ്; വരുന്നു കുമ്പാരീസ്
കൊച്ചി: അബ്രഹാമിന്റെ സന്തതികള്, ക്യാപ്റ്റന് എന്നീ ചിത്രങ്ങള്ക്ക് ശേഷം ഗുഡ് വില് എന്റ്റര്റ്റെയിന്മെന്റ്സിന്റെ ബാനറില് ജോബി ജോര്ജ് നിര്മ്മിക്കുന്ന ചിത്രമാണ് കുമ്പാരീസ്. ക്വീന് ഫെയിം അശ്വിന് ജോസ്, എല്ദോ മാത്യു, ജെന്സണ് (മാട) ഷാലു റഹിം എന്നിവരെ കേന്ദ്ര കഥാപാത്രങ്ങളാക്കി നവാഗതനായ സാഗര് ഹരി തിരക്കഥയും സംവിധാനവും നിര്വ്വഹിക്കുന്ന സിനിമയുടെ ടൈറ്റില് പോസ്റ്റര് പുറത്തു വിട്ടു.
പുതുമുഖ താരങ്ങളായ റോണ, അസ്ത്രാ ലക്ഷ്മി, ഷാനു ബൂട്ടോ, അന്സാര്, സുജിത്ത്, ശ്രീകാന്ത്, ജിജോ ജോര്ജ് എന്നിവരെ കൂടാതെ മലയാളത്തിലെ മുന്നിര താരങ്ങളും ഇതില് പ്രധാന വേഷത്തില് എത്തുന്നു. നാലു സുഹൃത്തുക്കളുടെ കഥ പറയുന്ന കുമ്പാരീസ് തികച്ചും കോമഡി ത്രില്ലര് വിഭാഗത്തില് പെടുന്നു. ശ്രീകാന്ത് ഈശ്വര് ആണ് ഛായാഗ്രഹണം.
