രണ്ടാമൂഴത്തിൽ മോഹൻലാലിനൊപ്പം ജാക്കിചാനും?
ശ്രീകുമാർ മേനോൻ ഒരുക്കുന്ന രണ്ടാമൂഴത്തിൽ മോഹൻലാലിനൊപ്പം ജാക്കിചാനും ഉണ്ടാവുമെന്ന് റിപ്പോർട്ട്. അജയ് ദേവഗൺ, നാഗാർജ്‍ജുന, മഹേഷ് ബാബു തുടങ്ങിയവരും ചിത്രത്തിൽ അഭിനയിക്കുന്നതായി നേരത്തെ വാർത്തകൾ വന്നിരുന്നു. ഭീമൻ ഗറില്ലാ തന്ത്രങ്ങൾ ഉപദേശിക്കാനെത്തുന്ന നാഗരാജാവായാണ് ജാക്കിചാൻ എത്തുന്നത്. എന്നാൽ ഇതുസംബന്ധിച്ച് പ്രതികരിക്കാൻ അണിയറ പ്രവർ‍ത്തകർ തയ്യാറായിട്ടില്ല. ചിത്രത്തിലെ യുദ്ധരംഗങ്ങൾ കൈകാര്യം ചെയ്യുന്നത് റിച്ചാർ‍ഡ് റയോണാണെന്നും വാർ‍ത്തയുണ്ട്. സംഘട്ടനം കൈകാര്യം ചെയ്യുന്നത് പീറ്റർ ഹെയിനാണ്. 100 ഏക്കറോളം സ്ഥലമാണ് രണ്ടാമൂഴം ചിത്രീകരിക്കാൻ ആവശ്യമായിട്ടുള്ളത്. എറണാകുളം ജില്ലയിലെ സ്ഥലങ്ങളോ കോയന്പത്തൂരിലെ സ്ഥലങ്ങളോ ആണ് പരിഗണനയിലുള്ളത്. ചിത്രീകരണത്തിന് ശേഷം ഈ സ്ഥലം 'മഹാഭാരത സിറ്റി' എന്ന പേരിൽ മ്യൂസിയമാക്കും. മലയാളം, തമിഴ്, ഹിന്ദി, തെലുങ്ക് ഭാഷകളിൽ ചിത്രികരിക്കുന്ന രണ്ടാമൂഴം പിന്നീട് ലോകത്തെ പ്രധാന ഭാഷകളിലേക്കും മൊഴിമാറ്റം ചെയ്യപ്പെടും.
