ഗൂഗിൾ ക്രോം അടിയന്തരമായി അപ്ഡേറ്റ് ചെയ്യാൻ ഉപയോക്താക്കൾക്ക് നിർദേശം
ഗൂഗിൾ ക്രോം അടിയന്തരമായി അപ്ഡേറ്റ് ചെയ്യാൻ ഉപയോക്താക്കൾക്ക് നിർദേശം. വിൻഡോസ്, ലിനക്സ്, തുടങ്ങിയ ഓപ്പറേറ്റിങ് സിസ്റ്റങ്ങളിൽ പ്രവർത്തിക്കുന്ന കമ്പ്യൂട്ടറുകളിൽ അപകടസാധ്യത നിലനിൽക്കുന്നതായാണ് ഗൂഗിൾ നൽകുന്ന മുന്നറിയിപ്പ്. സീറോ−ഡേ അപകടസാധ്യത മുന്നിൽ കണ്ടാണ് നടപടി. അതീവ ഗൗരവമാണ് നിലവിലെ അക്രമണ സാധ്യത. അതിനാൽ ഗൂഗിൾ ക്രോം പതിപ്പ് 99.0.4844.84−ലേക്ക് അടിയന്തരമായി അപ്ഡേറ്റ് ചെയ്യണമെന്നാണ് കമ്പനിയുടെ നിർദേശം.
മാർച്ച് 25−ന് പ്രസിദ്ധീകരിച്ച ക്രോമിന്റെ അപ്ഡേറ്റ് അറിയിപ്പിൽ 'CVE−2022−1096−എന്ന പ്രശ്നത്തിൽ നിന്നുള്ള ആക്രമണം ഏതു രീതിയിലും പ്രതീക്ഷിക്കാമെന്നാണ് ഗൂഗിൾ പറയുന്നത്. അതിനാൽ എല്ലാ ക്രോം ഉപയോക്താക്കളും അവരുടെ ബ്രൗസറുകൾ അടിയന്തിരമായി അപ്ഡേറ്റ് ചെയ്തിട്ടുണ്ടെന്ന് ഉറപ്പാക്കണം. മൈക്രോസോഫ്റ്റ് ബ്രൗസറായ എഡ്ജിൽ ഈ അപകടസാധ്യത നിലനിൽക്കുന്നുണ്ടെന്ന് ഇപ്പോൾ സ്ഥിരീകരിച്ചിട്ടുണ്ട്. ഇതിൽ നിന്നും സംരക്ഷണം നൽകാൻ എഡ്ജും അപ്ഡേറ്റ് നൽകിയിട്ടുണ്ട്. സെറ്റിംഗ്സ് − എബൗട്ട്( Settings-about) എന്നതിലേക്ക് പോയാൽ ഈ അപ്ഡേറ്റ് ലഭിക്കും, എഡ്ജ് 99.0.1150.55 അല്ലെങ്കിൽ അതിൽ ഉയർന്ന പതിപ്പിൽ CVE−2022−1096 പ്രശ്നം ബാധിക്കാമെന്നാണ് കണ്ടെത്തൽ.
