ബഹ്റൈനിൽ റിയൽ എസ്റ്റേറ്റ്, ഭൂമി ഇടപാടുകളിൽ നടപ്പുവർഷം ആദ്യ പാദത്തിൽ വർധനയെന്ന് റിപ്പോർട്ട്
ബഹ്റൈനിൽ റിയൽ എസ്റ്റേറ്റ്, ഭൂമി ഇടപാടുകളിൽ നടപ്പുവർഷം ആദ്യ പാദത്തിൽ വർധനയെന്ന് റിപ്പോർട്ട്. ലാൻഡ് സർവേ ആൻഡ് രജിസ്ട്രേഷൻ ഡിപ്പാർട്മെൻറ് കണക്ക് പ്രകാരം 243.144 ദശലക്ഷം ദിനാറിൻറെ ഇടപാടുകളാണ് ജനുവരി മുതൽ മാർച്ച് വരെ നടന്നത്. കഴിഞ്ഞ വർഷം ഇതേ കാലയളവിൽ നടന്നതിനെക്കാൾ 17 ശതമാനം വർധനവാണ് രേഖപ്പെടുത്തിയിട്ടുള്ളത്. 7260 ഇടപാടുകളാണ് ഇക്കാലയളവിൽ നടന്നത്. തൊട്ടുമുമ്പത്തെ വർഷം ഇതേ കാലയളവിനേക്കാൾ 17 ശതമാനം വർധനവ് ഇടപാടുകളുടെ എണ്ണത്തിലുമുണ്ടായിട്ടുണ്ട്.
2022ലും മുൻവർഷത്തേക്കാൾ വളർച്ച രേഖപ്പെടുത്തിയിരുന്നു. 1,086.804,371 ദശലക്ഷം ദിനാറിൻറെ ഇടപാടുകളാണ് 2022 ൽ നടന്നത്. മുൻവർഷത്തേക്കാൾ മൂന്നുശതമാനം കൂടുതലായിരുന്നു. 2022 അവസാനപാദം 285.461,180 ദശലക്ഷം ദീനാറിൻറെ ഇടപാടുകൾ നടന്നിരുന്നു. ആകെ 25217 ഇടപാടുകൾ 2022 ൽ നടന്നു. മൂലധന നിക്ഷേപം ആകർഷിക്കാനുള്ള സർക്കാറിന്റെ ശ്രമങ്ങൾ ഫലം കാണുന്നു എന്നതിന്റെ സൂചനകളാണ് സാമ്പത്തികരംഗത്തുനിന്നുള്ളത്. കോവിഡ് കാലത്ത് മാറ്റിവെച്ച പല വികസന പദ്ധതികളും പുനരാരംഭിച്ചതോടെയാണ് നിർമാണ രംഗവും റിയൽ എസ്റ്റേറ്റ് രംഗവും ശക്തമായിതുടങ്ങിയത്.
e4t6e
e4t6e
