പീപ്പിൾസ് ഫോറം ബഹ്റൈൻ നീതു മനീഷിന് യാത്രയയപ്പ് നൽകി
മനാമ: പീപ്പിൾസ് ഫോറം ബഹ്റൈൻ, പ്രവാസ ജീവിതമവ സാനിപ്പിച്ചു നാട്ടിലേക്ക് മടങ്ങുന്ന മുൻകാല വനിതാ വിഭാഗം കൺവീനറും സജീവ പ്രവർത്തകയുമായ തൃശൂർ അകതിയൂർ സ്വദേശിനി നീതു മനീഷിനു യാത്രയയപ്പ് നൽകി. കോവിഡ് മാനദണ്ധങ്ങൾ പാലിച്ചു വളരെ ലളിതമായി വനിതാ വിഭാഗം കൺവീനർ രജനി ബിജുവിന്റെ അദ്ധ്യക്ഷതയിൽ നടന്ന ചടങ്ങിൽ പീപ്പിൾസ് ഫോറം മുഖ്യരക്ഷാധികാരി പന്പാവാസൻ നായർ നീതു മനീഷിനു മെമെന്റോ നൽകി ആദരിച്ചു.
കഴിഞ്ഞ 9 വർഷത്തെ ബഹ്റൈൻ പ്രവാസജീവിതം വളരെയധികം സന്തോഷവും, സുര ക്ഷിതവു മായിരിന്നുവെന്നും എല്ലാവർക്കും നന്ദി അറിയിക്കുന്നുവെന്നു വിടവാങ്ങൽ പ്രസംഗത്തിൽ നീതു മനീഷ് പറഞ്ഞു.
ജനറൽ സെക്രട്ടറി വി. വി ബിജുകുമാർ സ്വാഗതവും, വൈസ് പ്രസിഡന്റ് ജയശിൽ നന്ദിയും പറഞ്ഞ ചടങ്ങിന് എക്സിക്യൂട്ടീവ് അംഗങ്ങളായ എം. മനീഷ്, അൻസാർ കല്ലറ എന്നിവർ നേതൃത്വവും നൽകി.
