മയക്കുമരുന്ന് വില്‍പ്പന; ബഹ്റൈനില്‍ ഒരു സ്ത്രീ ഉള്‍പ്പെടെ നാലുപേര്‍ അറസ്റ്റില്‍
മനാമ: മയക്കുമരുന്ന് വില്‍പ്പനയുമായി ബന്ധപ്പെട്ട് ബഹ്റൈനിൽ നാലുപേര്‍ അറസ്റ്റില്‍. രണ്ട് കേസുകളിലായാണ് 26നും 33 നും ഇടയില്‍ പ്രായമുള്ള നാലുപേർ പിടിയിലായിരിക്കുന്നത്. ഇവരില്‍ ഒരു സ്ത്രീയും ഉള്‍പ്പെടുന്നു. ഇവരുടെ പക്കല്‍ നിന്നും 42,000 ദിനാര്‍ വിലമതിക്കുന്ന ലഹരി വസ്തുക്കള്‍ പിടിച്ചെടുത്തതായി അധികൃതര്‍ അറിയിച്ചു. കേസ് പബ്ലിക് പ്രോസിക്യൂഷന് കൈമാറിയതായി ആഭ്യന്തര മന്ത്രാലയം അറിയിച്ചു.
