പാസ്പോർട്ടിൽ സർനെയിം ഉൾപ്പെടുത്താൻ ബഹ്റൈനിൽ ഉള്ളവർചെയ്യേണ്ടത്
മനാമ : നാട്ടിലെ താമസ സ്ഥലത്തെ ഏതെങ്കിലുംഒരു പത്രത്തിലും, ബഹ്റൈനിലെ ഒരുപത്രത്തിലും ഇംഗ്ലീഷ് ഭാഷയിൽ ഇതിൽ കാണിച്ചിരിക്കുന്ന ഫോർമാറ്റിൽ പത്രപ്പരസ്യം ചെയ്യണം. അത് പ്രസിദ്ധീകരിച്ചു കഴിഞ്ഞാൽ രണ്ടു പത്രത്തിന്റെയും ഒറിജിനൽ കോപ്പിയുമായി ഇന്ത്യൻ എംബസിയിൽ പോവുകയും പുതിയ പാസ്പോർട്ടിനുള്ള അപേക്ഷ പൂരിപ്പിച്ച് സീഫിലെ ഇന്ത്യൻ എംബസിയെ സമീപിക്കണം. (രാവിലെ 8.30നും 12.30നും ഇടയിൽ) എംബസിയിൽ പാസ്പോർട്ട് വിഭാഗത്തിലെ ഉദ്യോഗസ്ഥൻ അപേക്ഷ പരിശോധിക്കുകയും അപേക്ഷയിൽ സീൽ പതിക്കുകയും ചെയ്യും. ഈ അപേക്ഷയുമായി മനാമയിലെ ഇന്ത്യൻ പാസ്പോർട്ട് സർവ്വീസിന്റെ ഔട്ട് സോഴ്സിംഗ് സെന്ററിൽ എത്തി സാധാരണ പാസ്പോർട്ട് അപേക്ഷിക്കുന്ന രീതിയിൽ തന്നെ അപേക്ഷ കൊടുത്താൽ സർനെയിം ഉൾപ്പെടുത്തിയുള്ള പുതിയ പാസ്പോർട്ട് അനുവദിക്കുന്നതാണ്.
നാട്ടിലുള്ളവർ ബഹ്റൈനിൽ പുതിയ വിസയ്ക്ക് അപേക്ഷിക്കുന്പോൾ സർനെയിം ഉണ്ടെന്ന് ഉറപ്പു വരുത്തി മാത്രം അപേക്ഷിക്കുന്നതായിരിക്കും ഉചിതം. അല്ലെങ്കിൽ വിസാ അപേക്ഷ നിരസിക്കാനിടയുണ്ട്. സർനെയിം ഇല്ലാത്തവർ നാട്ടിൽ നിന്ന് സമാനമായ രീതിയിൽ തന്നെ പത്രപ്പരസ്യം ചെയ്തു കൊണ്ട് പാസ്പോർട്ട് ഓഫീസുമായി ബന്ധപ്പെട്ട് പുതിയ അപേക്ഷ സമർപ്പിക്കണം. പുതിയ പാസ്പോർട്ടിനുള്ള അതേ ഫീസ് തന്നെയാണ് സർനെയിം ഉൾപ്പെടുത്തിയുള്ള പാസ്പോർട്ടിനും ഈടാക്കുന്നത്.
