വിസ പുതുക്കണമെങ്കിൽ പാസ്പോർട്ടിൽ സർ നെയിം നിർബന്ധം : നെട്ടോട്ടമോടി പ്രവാസികൾ
രാജീവ് വെള്ളിക്കോത്ത്
മനാമ : പുതിയ വിസയ്ക്ക് അപേക്ഷിക്കുന്പോഴുംനിലവിലെ വിസ പുതുക്കുന്പോഴും പാസ്പോർട്ടിൽ സർ നെയിം വേണമെന്ന നിർബന്ധം പലർക്കും തിരിച്ചടിയാകുന്നു. പലരുടെയും പാസ്പോർട്ടിൽ ‘ഗിവൺ നെയിം’ ഉണ്ടെങ്കിലും ‘സർനെയിം’ കോളം ഒഴിഞ്ഞു കിടക്കുകയാണ് ചെയ്യുന്നത്. അങ്ങനെ സർനെയിം ഇല്ലാത്തവർക്ക് നിലവിലെ വിസ കാലാവധി തീർന്നാൽ പുതുക്കണമെങ്കിൽ സർനെയിം കൂടിയേ തീരു.
യൂറോപ്യൻ രാജ്യങ്ങളിൽ മുന്പ് തന്നെഈ നിയമം ബാധകമായിരുന്നുവെങ്കിലും ബഹ്റൈനിലും സർനെയിം ഇല്ലെന്ന കാരണത്താൽ വിസയ്ക്ക് വേണ്ടിയുള്ള ചിലരുടെ അപേക്ഷ നിരസിച്ചതോടെയാണ് ഈ നിയമംപ്രാബല്യത്തിൽ ആയതായി പലരും അറിഞ്ഞത്. നാട്ടിൽ നിന്നുള്ളവർ ബഹ്റൈനിലെ ബന്ധുക്കൾ വഴിയോ കന്പനികൾ വഴിയോ പുതിയ വിസയ്ക്ക് വേണ്ടി അപേക്ഷിക്കുന്പോഴോ, അല്ലെങ്കിൽ നിലവിൽ വിസയുള്ളവരുടെവിസ പുതുക്കുന്പോഴോപാസ്പോട്ടിലെ സർനെയിം ഉള്ള സ്ഥാനം ഒഴിഞ്ഞു കിടക്കുകയാണെങ്കിൽ പുതിയ വിസ ഇഷ്യു ചെയ്യില്ല. പാസ്പോർട്ടിൽ അതിനായി സർനെയിം ഉൾപ്പെടുത്താനുള്ള അപേക്ഷ കൊടുത്താൽ ഇന്ത്യൻ എംബസികളിൽ നിന്നും ഇന്ത്യയിൽ ആണെങ്കിൽ പാസ്പോർട്ട് ഓഫീസിൽ നിന്നും സർ നെയിം ഉൾപ്പെടുത്തുന്നതാണ്.
പാസ്പോർട്ടിനു വേണ്ടി അപേക്ഷ സമർപ്പിക്കുന്പോൾ തന്നെ സർനെയിം ഉൾപ്പെടുത്താതിരിക്കുന്നതു കൊണ്ടാണ് പലരുടെയും പാസ്പോർട്ടിലെ ഈ കോളം ഒഴിഞ്ഞു കിടക്കുന്നത്. പലപ്പോഴും പാസ്പോർട്ടിന് അപേക്ഷിച്ചു മാസങ്ങൾ കഴിഞ്ഞ് അവ കൈയ്യിൽ ലഭിക്കുന്പോഴാണ് സർനെയിം ചേർത്തിട്ടില്ലെന്ന് പലരും മനസ്സിലാക്കുന്നത്. ഇക്കാര്യത്തിൽ പാസ്പോർട്ട് ഓഫീസിലെ ഉദ്യോഗസ്ഥരുടെയും അനാസ്ഥയുണ്ട് എന്ന് വേണം പറയാൻ.
കാരണം ആധാർ കാർഡ്, റേഷൻ കാർഡ്, വിവാഹ സർട്ടിഫിക്കറ്റ്, സ്കൂൾ സർട്ടിഫിക്കറ്റ് നോട്ടറി വക്കീലിന്റെ സാക്ഷ്യപത്രം ഇത്രയും സുപ്രധാന രേഖകൾ ഹാജരാക്കിയാണ് ഇന്ത്യൻ പൗരത്വം തെളിയിക്കുന്ന പാസ്പോർട്ടിന് അപേക്ഷ സമർപ്പിക്കുന്നത്. ആദ്യം ഓൺലൈനിൽ വിവരങ്ങൾ നൽകി പിന്നീട് നേരിട്ട് പല കൗണ്ടറുകളിലായി രേഖകൾ ഹാജരാക്കി, സസൂക്ഷ്മ നിരീക്ഷണം നടത്തി, പോലിസ് വെരിഫിക്കേഷനും കഴിഞ്ഞാണ് പാസ്പോർട്ട് ഇഷ്യൂചെയ്യുന്നത്. പാസ്പോർട്ടിന്റെ ആദ്യ പേജിൽ (ഫോട്ടോ പതിച്ചത്) സർ നെയിമും ഗിവൺനെയിമും ചോദിക്കുന്നുണ്ട്. അത് പൂരിപ്പിച്ചിട്ടില്ലെങ്കിൽ അപ്പോൾ തന്നെ അപേക്ഷകന്റെശ്രദ്ധയിൽ ഇത് പെടുത്തുകയാണെങ്കിൽ പാസ്പോർട്ട് തയ്യാറാക്കുന്നതിന് മുന്പ് തന്നെ അത് ചേർക്കുവാനുള്ള സൗകര്യം ഉണ്ടാകും. പക്ഷേ, പല പാസ്പോർട്ടുകളിലും സർനെയിം ഒഴിഞ്ഞുകിടക്കുകയാണ്.
സർനെയിം എന്നാൽ, വീട്ടുപേർ എന്നാണല്ലോ. സർ നെയിം ഉള്ള മിക്ക പാസ്പോർട്ടുകളിലാവട്ടെ വീട്ടുപേരിനു പകരം ഭർത്താവിന്റെയോ പിതാവിന്റെയോ പേരോ അല്ലെങ്കിൽ സ്വന്തം പേരിന്റെ വാൽകഷണം തന്നെയോരേഖപ്പെടുത്തിയിട്ടുള്ളവരുമുണ്ട്. നിലവിൽ സർ നെയിം ഇല്ലാത്തതിന്റെ പേരിൽ റിജക്ടായ പാസ്പോർട്ടിൽ സർനെയിം ചേർക്കുന്നതിന് പുതിയപാസ്പോർട്ട് എടുക്കുന്ന പ്രകാരം മേൽ കാര്യങ്ങളെല്ലാം വീണ്ടും ചെയ്ത് അതേ സംഖ്യ വീണ്ടും ചെലവഴിച്ച് പാസ്പോർട്ട് ഓഫിസിൽ നേരിട്ട് ഹാജരാകേണ്ടി വരുന്നു. എന്ന് മാത്രമല്ല പ്രാദേശിക പത്രങ്ങളിൽ ഇത് സംബന്ധിച്ച് പത്രപ്പരസ്യവും ചെയ്യണം. ബഹ്റൈനിൽ ദിവസേന നിരവധി പേരുടെവിസ അപേക്ഷകളാണ് സർനെയിം ഇല്ലെന്ന കാരണത്താൽ തള്ളുന്നതെന്ന് സാമൂഹ്യ പ്രവർത്തകനായ കെ.ടി സലിംപറഞ്ഞു. മാത്രമല്ല സർനെയിം ഉൾപ്പെടുത്താനുള്ള വഴികൾ പലർക്കും എന്താണെന്ന് അറിയില്ലെന്നും ഇക്കാര്യത്തിൽ നിരവധി പേർ ആശങ്കാകുലരാണെന്നും ആദ്ദേഹം പറഞ്ഞു.
