“നാട്യ സംഗമം 2018” നാളെ
മനാമ: ബഹ്റൈനിലെ പ്രശസ്ത നൃത്താദ്ധ്യാപികയായ കലാമണ്ധലം ഗിരിജ ശശി മേനോന്റെ ശിക്ഷണത്തിൽ നൃത്തം അഭ്യസിച്ച പത്തൊന്പത് വിദ്യാർത്ഥിനികൾ ഭരതനാട്യം, കുച്ചിപ്പുടി, മോഹിനിയാട്ടം എന്നീ നൃത്ത ഇനങ്ങളിൽ അരങ്ങേറ്റം കുറിക്കുന്ന “നാട്യ സംഗമം 2018” ജനുവരി 5ന് വൈകീട്ട് ആറു മുതൽ ബഹ്റൈൻ കേരളീയ സമാജത്തിൽ നടക്കും. ഇവരെ കൂടാതെ ബഹ്റൈനിലെ വിവിധ സ്കൂളുകളിൽ നിന്നുള്ള നാൽപ്പതോളം വിദ്യാർത്ഥിനികളും വിവിധ നൃത്തയിനങ്ങൾ അവതരിപ്പിക്കും. ഭരതനാട്യം, മോഹിനിയാട്ടം, കുച്ചുപ്പുടി തുടങ്ങിയ ശാസ്ത്രീയ നൃത്ത രൂപങ്ങളിലും അവയുടെ സാഹിത്യത്തിലും പ്രാവിണ്യം സിദ്ധിച്ചിട്ടുള്ള കലാമണ്ധലം ഗിരിജ കഴിഞ്ഞ ഇരുപത്തിയഞ്ച് വർഷമായി ആയിരക്കണക്കിന് കുട്ടികളെ നൃത്തം അഭ്യസിപ്പിച്ചിട്ടുണ്ട്.
