ബഹ്‌റൈനിൽ ഇന്ത്യൻ ചലച്ചിത്രമേള ഇന്ന് തുടങ്ങും
മനാമ: ബഹ്റൈനിലെ ഇന്ത്യൻ എംബസിയുടെ ആഭിമുഖ്യത്തിൽ ബഹ്റൈൻ കൾച്ചറൽ അതോറിറ്റിയുടെ സഹകരണത്തോടെ ജനുവരി 4, 5, 11, 12 തീയതികളിൽ ബഹ്റൈൻ നാഷണൽ മ്യൂസിയത്തിൽ ചലച്ചിത്ര മേള സംഘടിപ്പിക്കും. വൈകീട്ട് ഏഴ് മണി മുതലാണ് സിനിമ പ്രദർശിപ്പിക്കുക. നാല് ദിവസങ്ങളിലായി നടക്കുന്ന ചലച്ചിത്ര മേളയിൽ മേരി കോം, കഹാനി, ദൃശ്യം, ക്വീൻ തുടങ്ങിയ ചിത്രങ്ങളാണ് ഉൾപ്പെടുത്തിയിട്ടുള്ളത്. പ്രവേശനം സൗജന്യമാണ്.
