ഐസിആർഎഫ് - ഐസിഎഐ വർക്ക്‌ഷോപ്പ് ശ്രദ്ധേയമായി
പ്രദീപ് പുറവങ്കര
മനാമ l ലോക സാമ്പത്തിക ആസൂത്രണ ദിനത്തിന്റെ ഭാഗമായി, ബഹ്റൈൻ പബ്ലിക് ട്രാൻസ്‌പോർട്ട് കമ്പനിയിലെഡ്രൈവർമാർക്കായി ഇന്ത്യൻ കമ്മ്യൂണിറ്റി വെൽഫെയർ അസോസിയേഷനും ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടന്റ്‌സ് ഓഫ് ഇന്ത്യയുടെ ബഹ്റൈൻ ചാപ്റ്ററും സംയുക്തമായി ഇന്ററാക്ടീവ് ഫിനാൻഷ്യൽ ലൈഫ് സ്‌കിൽസ് വർക്ക്‌ഷോപ്പ് സംഘടിപ്പിച്ചു.
വ്യക്തിഗത സാമ്പത്തിക കാര്യങ്ങൾ ഫലപ്രദമായി കൈകാര്യം ചെയ്യുന്നതിനുള്ള അവശ്യ അറിവ് നൽകി ഡ്രൈവർമാരെ ശാക്തീകരിക്കുക എന്ന ലക്ഷ്യത്തോടെയാണ് ഈ ശിൽപശാല രൂപകൽപ്പന ചെയ്തത്. വിവിധ രാജ്യങ്ങളിൽ നിന്നുള്ള ഏകദേശം 35 ഡ്രൈവർമാർ വർക്ക്‌ഷോപ്പിൽ പങ്കെടുത്തു. ബജറ്റിംഗ്, സമ്പാദ്യം, കടം മാനേജ്‌മെന്റ്, തദ്ദേശ സർക്കാരുകൾ നൽകുന്ന ഇൻഷുറൻസ്, നിക്ഷേപ/സമ്പാദ്യ ഓപ്ഷനുകൾ, തട്ടിപ്പ് കോളുകൾ, വായ്പാ തട്ടിപ്പുകൾ, വ്യക്തിഗത ഐഡന്റിറ്റികൾ പങ്കുവെക്കൽ എന്നിവയെക്കുറിച്ചുള്ള അവബോധം എന്നിവയായിരുന്നു വർക്ക് ഷോപ്പിലെ പ്രധാന വിഷയങ്ങൾ.
ബിപിടിസി എച്ച് ആർ മാനേജർ സമ്പത്ത് സുവർണ, ഐസിആർഎഫ് ചെയർമാൻ അഡ്വക്കേറ്റ് വി.കെ. തോമസ്, ബിപിടിസിയുടെ പീപ്പിൾ ഡെവലപ്‌മെന്റ് മാനേജർ സമീർ തിവാരി എന്നിവർ ആശംസകൾ നേർന്നു. സിഎ കൗശലേന്ദ്ര മംഗുനിയയുടെ നേതൃത്വത്തിൽ നടന്ന ശിൽപശാലയ്ക്ക് സിഎ രുഷഭ് ദേധിയ, സിഎ വിനിത് മറു എന്നിവർ പിന്തുണ നൽകി.
sdfsf
