ബഹ്റൈൻ കേരളീയ സമാജം ഓണാഘോഷങ്ങളുടെ ഭാഗമായി സംഘടിപ്പിച്ച ഫോക്ക് ഡാൻസ് മത്സരങ്ങൾ ശ്രദ്ധേയമായി
പ്രദീപ് പുറവങ്കര
മനാമ l ബഹ്റൈൻ കേരളീയ സമാജം ഓണാഘോഷങ്ങളുടെ ഭാഗമായി സംഘടിപ്പിച്ച ഫോക്ക് ഡാൻസ് മത്സരങ്ങൾ ഇന്ത്യയിലെ വിവിധ സംസ്ഥാനങ്ങളിൽ നിന്നുള്ള ഫോക്ക് ഡാൻസുകളുടെ വൈവിധ്യം കൊണ്ടും അവതരണമികവുക്കൊണ്ടും ശ്രദ്ധേയമായി. ഒന്നര മാസത്തോളം നീണ്ടുനിൽക്കുന്ന സമാജം ഓണാഘോഷങ്ങളുടെ ഭാഗമായി സംഘടിപ്പിക്കുന്ന നിരവധി മത്സരങ്ങളുടെ ഭാഗമായി സംഘടിപ്പിച്ച ഫോക്ക് ഡാൻസിൽ ടീം ബാറ്റിൽ ഗേൾസ്, ടീം ബഹ്റൈൻ ഒഡിയ സമാജ്, ടീം നാഗ എന്നിവർ സമ്മാനാർഹരായി.
ബഹ്റൈൻ കേരള സമാജം പ്രസിഡന്റ് പി വി രാധാകൃഷ്ണപിള്ള മത്സരങ്ങൾ ഉദ്ഘാടനം ചെയ്തു. ജനറൽ സെക്രട്ടറി വർഗീസ് കാരക്കൽ, ശ്രാവണം ജനറൽ കൺവീനർ വർഗീസ് ജോർജ് എന്നിവർ ആശംസകൾ അറിയിച്ചു സംസാരിച്ചു. ഫോക്ക് ഡാൻസ് മത്സരങ്ങളുടെ കൺവീനർമാരായ ജോയ് പോളി, ജഗദീഷ് ശങ്കർ, ശ്രീനാ ശശി എന്നിവർ പരിപാടികൾക്ക് നേതൃത്വം നൽകി. ഉത്സവാന്തരീക്ഷത്തിൽ നടന്ന മത്സരങ്ങളിൽ ഡ്രം മ്യൂസിക്കിന്റെ അവതരണവും നടന്നു.
ോേ്ോേ്
