ബഹ്റൈൻ മലപ്പുറം ക്രിക്കറ്റ് ടൂർണമെന്റിൽ ഹണ്ടേഴ്‌സ് മലപ്പുറം ജേതാക്കൾ
പ്രദീപ് പുറവങ്കര
മനാമ: ബഹ്‌റൈനിലെ മലപ്പുറം ജില്ലയിൽ നിന്നുള്ള ക്രിക്കറ്റ് കളിക്കാരെ അണിനിരത്തി വിവിധ ടീമുകളാക്കി തിരിച്ചു സംഘടിപ്പിച്ച ബഹ്റൈൻ മലപ്പുറം ക്രിക്കറ്റ് ടൂർണമെന്റിൽ ഹണ്ടേഴ്‌സ് മലപ്പുറം ജേതാക്കളായി. ഗണ്ണേർസ് മലപ്പുറം റണ്ണർ അപ്പ്‌ കിരീടം കരസ്ഥമാക്കി. ഗ്രൂപ്പ്‌ തലത്തലുള്ള മത്സരങ്ങളിൽ റഹ്മാൻ ചോലക്കൽ, കബീർ എരമംഗലം, ജിഷ്ണു എന്നിവർ മാൻ ഓഫ് ദി മാച്ച് ട്രോഫികൾ കരസ്ഥമാക്കി. ഹണ്ടേഴ്‌സ് മലപ്പുറത്തിന്റെ റഹ്മാൻ ചോലക്കൽ മാൻ ഓഫ് ദി സീരിസ് ആയി തെര‍ഞ്ഞെടുക്കപ്പെട്ടു. ഹണ്ടേഴ്‌സ് മലപ്പുറത്തിന്റെ ജിഷ്ണുവാണ് മാൻ ഓഫ് ദി ഫൈനൽ.
ബഹ്റൈൻ മലപ്പുറം ഡിസ്ട്രിക്ട് ഫോറം രക്ഷാധികാരി ബഷീർ അമ്പലായി ,പ്രസിഡണ്ട് സലാം മമ്പാട്ടുമൂല, ജനറൽ സെക്രട്ടറി ഷമീർ പൊട്ടച്ചോല, ഓർഗനൈസിംഗ് സെക്രട്ടറി മൻഷീർ കൊണ്ടോട്ടി, സ്പോർട്സ് കൺവീനർ റഹ്മത്തലി , മറ്റു ഭാരവാഹികളായ സകരിയ്യ പൊന്നാനി, പി.മുജീബ് റഹ്മാൻ, റസാഖ് പൊന്നാനി തുടങ്ങിയവർ വിജയികൾക്ക് ട്രോഫികൾ സമ്മാനിച്ചു .
aa
