എല്ലാ വിദ്യാഭ്യാസ സ്ഥാപനങ്ങളും ഡിജിറ്റൽ പഠനത്തിലേക്ക് മാറണമെന്ന് ബഹ്റൈൻ വിദ്യാഭ്യാസ മന്ത്രാലയം
പ്രദീപ് പുറവങ്കര
മനാമ : നിലവിലെ സംഘർഷങ്ങളുടെ പശ്ചാത്തലത്തിൽ നേരത്തേ അംഗീകരിച്ച അംഗീകൃത സുരക്ഷാ പ്ലാനിന്റെ ഭാഗമായി, കിന്റർഗാർട്ടനുകൾ, സ്‌കൂളുകൾ, സർവ്വകലാശാലകൾ എന്നിവയുൾപ്പെടെയുള്ള എല്ലാ സർക്കാർ, സ്വകാര്യ വിദ്യാഭ്യാസ സ്ഥാപനങ്ങൾക്കും ഡിജിറ്റൽ പഠന പ്ലാറ്റ്‌ഫോമുകളിലേക്ക് മാറാൻ നിർദ്ദേശം നൽകിയതായി വിദ്യാഭ്യാസ മന്ത്രാലയം അറിയിച്ചു. വിദ്യാർത്ഥികളുടെയും ജീവനക്കാരുടെയും സുരക്ഷയ്ക്കും ക്ഷേമത്തിനും മുൻഗണന നൽകി, പഠന പ്രക്രിയ തടസ്സമില്ലാതെ തുടരുന്നുവെന്ന് ഉറപ്പാക്കാനുള്ള ശ്രമങ്ങളുടെ ഭാഗമായാണ് ഈ നടപടി.
പ്രവർത്തനങ്ങൾ കൈകാര്യം ചെയ്യുന്നതുമായി ബന്ധപ്പെട്ട് ഏതെങ്കിലും വിദ്യാഭ്യാസ സ്ഥാപനങ്ങൾക്ക് സഹായമോ കൂടുതൽ വിവരങ്ങളോ ആവശ്യമുണ്ടെങ്കിൽ, മന്ത്രാലയവുമായോ ഉന്നത വിദ്യാഭ്യാസ കൗൺസിലുമായോ സാധാരണ ഔദ്യോഗിക ആശയവിനിമയ ചാനലുകളിലൂടെ ബന്ധപ്പെടാവുന്നതാണെന്നും മന്ത്രാലയം ഉറപ്പുനൽകി.
aa
