മണിപ്പൂര് മുഖ്യമന്ത്രിയായി എന് ബിരേന് സിങ് അധികാരമേറ്റു
മണിപ്പൂര് മുഖ്യമന്ത്രിയായി എന് ബിരേന് സിങ് സത്യപ്രതിജ്ഞ ചെയ്ത് അധികാരമേറ്റു. ഇത് രണ്ടാം തവണയാണ് ബിരേന് സിങ് മുഖ്യമന്ത്രിയാകുന്നത്. ബിജെപി ദേശീയ അധ്യക്ഷന് ജെ പി നദ്ദ അടക്കമുള്ള നേതാക്കള് സത്യപ്രതിജ്ഞാ ചടങ്ങില് പങ്കെടുത്തു.
മണിപ്പൂരില് ബി ജെ പി വ്യക്തമായ ആധിപത്യം നേടിയിരുന്നെങ്കിലും മുഖ്യമന്ത്രി ആരെന്നുള്ള തീരുമാനം വൈകുകയായിരുന്നു. ബിരേന് സിംഗും മുതിര്ന്ന എം എല് എ ബിശ്വജിത് സിംഗും തമ്മിലുള്ള തര്ക്കമായിരുന്നു കാരണം. കേന്ദ്ര നിരീക്ഷകരില് ഒരാളായ നിര്മല സീതാരാമന് ആണ് ഇന്നലെ തീരുമാനം പ്രഖ്യാപിച്ചത്.
