ഇന്ത്യയിൽ 24 മണിക്കൂറിനിടെ 38,628 പേർ‍ക്ക് കോവിഡ്
ന്യൂഡൽ‍ഹി: രാജ്യത്ത് ഇന്നലെ കോവിഡ് രോഗികളുടെ പ്രതിദിന കണക്കിൽ നേരിയ കുറവ്. കഴിഞ്ഞ 24 മണിക്കൂറിനിടെ 38,628 പേർ‍ക്കാണ് പുതുതായി രോഗം സ്ഥിരീകരിച്ചത്. ഇന്നലെ 617 പേർ കോവിഡ് ബാധിച്ച് മരിച്ചു. രാജ്യത്ത് നിലവിൽ 4,12,153 പേരാണ് കോവിഡ് ബാധിച്ച് ചികിത്‍സയിലുള്ളത്. 40,017 പേർ രോഗമുക്തി നേടിയതായും കേന്ദ്ര ആരോഗ്യമന്ത്രാലയം അറിയിച്ചു.
ഇതോടെ ആകെ രോഗമുക്തി നേടിയവരുടെ എണ്ണം 3,10,55,861 ആയി ഉയർ‍ന്നു. ആകെ മരണം 4,27,371 ആയി. രാജ്യത്ത് ആകെ കോവിഡ് ബാധിച്ചവരുടെ എണ്ണം 3,18,95,385 ആയിട്ടുണ്ട്. ഇന്ത്യയിൽ കഴിഞ്ഞ 24 മണിക്കൂറിനിടെ 49,55,138 പേർ‍ക്ക് വാക്‌സിൻ കുത്തിവച്ചു.
